رانيا فتحي عواد
البيكنج بودر مش للحلويات فقط ممكن تستخدميه عادى فى الاكل الحادق او التنظيف
هتحطي كيس بيكنج بودر في بخاخة ومعاه ربع كوب خل وشوية مياة ومعلقة صابون سائل هتلقيهم بيفورو عادي اقفلي البخاخة وبخي منهم على قزاز البوتجاز والاستانلس ستيل والحوض الاستتانلس وتسبية شويه هتلاقي الدهون نزلت بسهولة وسلكة وبمنتهي السهولة هينضف
الممبار هترشي علية كيس من البيكنج بودر وشوية ملح وشوية خل وتقلبيهم وسبيهم شويه هتلاقي الممبار نضف بكل سهولة
البطاطس الصوابع المقلية هتغسليها بعد ما تقطعيها صوابع وتحطيها في مياة وملح وكيس بيكنج بودر وتقلبيهم واقلي البطاطس واتفرجي على القرمشة الجامدة
لو بتعملى كسكسى وعايزاه هش وخفيف وانتى بتعمليه حطى على الدقيق رشه بيكنج بودر
كمان لو حطينا كيس بيكنج بودر على الدقيق في عجينة الفطير المشلتت هتخلية يورق
ولو حطيتى رشه بيكنج بودر على السمنه اللى بتدهنى بيها الرقاق او الجلاش هيخليه مورق وهش وخفيف
لو حطتيه علي اللحمة المفرومة لو هتعملي كباب مشوي او كفته مش هتكش أبداً
اي معجنات محتاجة تكون هشة هتحطي بيكنج بودر ونشأ هيكون بديل المحسن