رانيا فتحي عواد
المكونات :
اولا مكونات سلق اللحم :
١- عدد ١ كيلو لحم مقطعة مكعبات .
٢- عدد ١ طماطم متوسطة مقطعة شرائح كبيرة .
٣- عدد ١ بصلة متوسطة مقطعة شرائح كبيرة .
٤- عدد ٢ فص ثوم كبير مقطع شرائح .
٥- عدد ٣ ورق لورو .
٦- عدد ٣ حبة حبهان .
٧- عدد ١ عود قرفة او نصف معلقة صغيرة قرفة بودرة .
٨- عدد ١ معلقه كبيرة ملح .
٩- عدد ١ معلقه صغيرة فلفل اسود .
١٠- عدد ١ معلقه صغيرة كسبرة ناشفة .
ثانيا مكونات خلطة كباب اللحم :
١- عدد ١ طماطم متوسطة.
٢- عدد ١ بصله متوسطة .
٣- عدد ١ فلفل اخضر رومي .
٤- عدد ١ فلفل احمر حلو بارد .
٥- عدد ٥ فصوص ثوم كبيرة .
٦- عصير ١ ليمونة .
٧- عدد ٢ معلقه كبيره خل .
٨- عدد ٤ معلقه كبيرة زيت .
٩- عدد ١ معلقه صغيره ملح .
١٠- عدد ١ معلقه صغيرة فلفل اسود .
١١- عدد نص معلقه صغيرة كمون .
١٢- عدد نص معلقه صغيرة كسبرة .
١٣- عدد نص معلقه صغيرة بابريكا .
١٤- عدد نص معلقه صغيرة بهارات لحم أو ٧ بهارات او ١١ بهار .
الطريقة :
١- هجيب حلة مناسبة علي نار عالية و هضيف فيها كمية ماية مناسبه لكمية اللحم و بعد ما تغلي الماية هنزل بالطماطم و البصل و الثوم و البهارات
٢- بعد ما تغلي الماية هضيف اللحم و اقلب كويس و لما تغلي ههدي النار خالص و اغطي و اسيبها تستوي .
٣- اول ما الاقيها دخلت في السواء هضيف الملح و اقلب كويس و اسيبها تكمل سواء هي تقريبا بتاخد من ساعة ل ساعة و نص او اكتر حسب بوتجازك و حسب نوع اللحم .
٤- بعد ما تستوي هطلعها من المرقة و اصفيها كويس اوي اوي .
٥- هجيب بقي مكونات خلطة الكباب و في خلاط او كبه هحطهم كلهم بس هحط معلقة زيت واحده بس و هضربهم كويس اوي .
٦- في طاسه علي نار عاليه هضيف ٣ معالق كبار زيت و لما يسخن هنزل باللحمه بتاعتي و احمرها من كل الجهات .
٧- بعد كده هجيب الخليط بتاع الكباب و هبدا اضيف معلقتين كبار بس منه علي اللحم و اقلب كويس و اهدي النار و اغطي و بعد ٥ دقايق هلاقي اللحم شربت التتبيله هحط معلقتين كبار تاني و اقلب و اهدي النار و اغطي و هكذا لحد ما اخلص كل الخلطه بتاعتي و كده يكون الكباب بتاعي جاهز .
و بالف صحة و عافية