رانيا فتحي
ده تعبير بنسمعه كتير فى الوصفات اللى بتعتمد على صدم اللحمة بشكل مباشر في الحرارة (تشويح اللحمة) .. زى كباب الحلة مثلاً .
أحب أوضح لحضراتكم نقطة صغيرة
إن نزول الماء من اللحمة بكمية كبيرة ده دليل على فشل الوصفةأيوة زى مابقولك كده
لأن الحرارة ماكانتش كافية لصدم وغلق المسام الخارجية وحبس العصارة والماء داخل النسيج ، والمفاجأه بقى إن اللحمة مش بترجع تشرب ميتها ولا حاجة ، دى بتتبخر وتختفى من درجة الحرارة المرتفعة حضرتك واللحمة بتنشف وتشد وتخسر جزء كبير من طعمها وقيمتها الغذائية