علَىَ قَلبَهَا لْطالونْ 

وفاء خروبه 

من أشهر الأمثال الشعبية المصرية اللى بتضرب فى الإصرار والعزيمة للوصول للشئ .. وعلى الرغم من أن المثل مصري إلا أن اللى قال المثل مش مصري مغربي وكان راكب سفينة من اسكندريه وكان فاكر أن أخر السفينة دى عند مسجد أحمد بن طولون وكان جامع أحمد بن طولون مأوى للمغاربة الفقراء والغرباء ..

نرجع تاني لقصة المثل لما وصلت السفينة اللى كانت جاية من إسكندرية وصلت لميناء بولاق ودة كان آخر الخط وبدأ الناس كلها تنزل من السفينة إلا (الراجل المغربي) اللى صمم يفضل فى السفينة لحد جامع ابن طولون .. وكل ما الملاح (المسؤول عن توجيه المركب) يحاول ينزله من السفينة يقول المغربي : علَىَ قَلبَهَا لْطالونْ .. يعني أنا على قلب السفينة لحد هدفي : اللى هو جامع ابن طولون ؛ اللى كان محرف عند العامة ل (طالون) 

من هنا اتاخد المثل على الإصرار والعزيمة فى الوصول للشئ مهما كانت الظروف