بقلم د _ مايسة إمام
أنا موجوع وفي قلبي
جرح بينزف
شايف جوه كلام الناس
حاجة بتتلف
شايف كل شيطان خناس
جي يزيف
يخلع توب الحق يلبسه باطل
وبيستظرف
شايف أي كلام يتقال
ويقولوا عليه شعر مستف
صاحبه يصبح شاعر واعر
ويقولك عبقري متفلسف
والناشر يعمله زار
دا حلنجي بيزف يلفلف
طول ماالكرش كان شبعان
والبرادس بتتستف
ياأخينا الكلمة.أمانة
دا مصير وعليها متوقف
الكلمة تحيي تموت
تيجي أنت بهاو تهيف
الكلمة قيمة لحياتك
بتحدد لك شكل وموقف
وتشاور وتقول عنك
يافت مش مخلوط متزيف
هفضل كدا موجوع بدموع
على حال كل واحد مخدوع
وهقوله حقيقي.. متأسف
مش هقدر أغمي عينيا
وأسد وداني بإيديا
وأحيي وآجي أسقف
أنا مش صاحب دار زمار
ييغني لك وبيعزف
بفلوسك تبقي سيد الدار
ويبان إنه عليك متعطف
ولا عندي جريدة لابسه أصفر
من تحت السلم حاجة تكسف
أنشرلك الصبح كلام
وبالليل عـ القهوة نتكيف
ونرص حجارة الشيشة رصه
أحسن مـ الشعر المتألف
ونعلي الطاسة يافننس
وتبقى فنان متصنف
اصحي وفوق ياأبوديل وودان
دا حلنجي بيلاعبك ويهدف
يملى جيوبه بهيافك وهو
معروف متعرف
مش هبقى تابع عمري
طول ماأنا دوغري ولا بلفلف
مش هابقى زمار طبال
للي مايفهم ولا يعرف
بقلمي / د.مايسة إمام