حمام كداب

كتبت – نهال يونس
النهاردة هنعمل حمام كداب بطريقة جديدة ومميزة هتبهري كل قرابيك وحبايبك
المقادير ….

بصله مفرومة
كوب ارز
كيلو وراك مخلية
ملح
فلفل اسود
توم بودر
بصل بودر
بابريكا
حبهان مطحون
قرفة ناعمة
كاري

الطريقة…

اول حاجه هنعملها ننضف الوراك كويس بالخل والليمون نجيب جزء من البصلة المفرومة ونحط توم بودر وبصل بودر وبابريكا وملح وحبهان وفلفل أسود ونتبل الوراك يفضل من ساعة الي ثلاث ساعات.
نجيب حلة ونضيف قطعة من الزبدة ونشوح باقي البصلة المفرومة لحد ما تتبل نحط التوابل بتاعتنا وننزل بالأرز ونسقيه عشان يستوي.
بعد ما الأرز يستوي 4/3 سوا نأخد منه جزء عشان نحشي الوراك.
والنهاردة بقي مش هنسلق الحمام الكداب زي ما الناس كلها بتعمل لاء.
احنا طبعا حشينا الوراك الأرز وقفلناها بالخلة تمام أوي. نشغل الفرن علي درجة حرارة متوسطة عشان يسخن ونعمل معلقه صلصلة ومعلقة كاتشب وعصرة ليمون ومعلقتين زيت درة وندهن الوراك وندخلها الفرن علي شبكة ونحط تحتها صنيه بها ماء ساخن يساعدنا في تسويتها. نتركها ساعة وعند تمام التسوية نشعل الشواية عشان تأخد لون
وصدقوني هتأكلو أحلى حمام كداب في الدنيا

وبالهنا والشفا