كرنب الست أمينة يلهب جيوب سيد أفندى
بقلم السيد عيد ـــ ريشة غادة مصطفى
اليوم الثامن عشر
قفزة صاروخية تجسد واقعا مريرا بعد أن شهدت مختلف السلع ارتفاعا غير معقول خلال شهر رمضان.
من يوم ما اتجوز سيد أفندى أمينة وهويتها طبخ المحشى إشى كوسة وإشى بتنجان وإشى ورق عنب وفلفل و كرنب
لدرجة إن يوم المحشى سيد أفندى لايذوق للنوم طعم بسبب كثرة الكرنب الموجود فأصبحت حياته مع أمينة أشبه بغيط كرنب وإشى حلل فيها رز وصلصة فى كل مكان وكوسة وبتنجان متقور وطبعاً المحشى بقى واحد من اهل البيت..ناقص يتعمل عصير على الفطار بدل التمر والسوبيا.
ومع زيادة حمى الشراء والتبضع في شهر رمضان الكريم خرجت الست أمينة ومعها الست أم لطفى لتشترى أمينة أد ٥ كرنبات و ٣كيلو كوسة و٢بتنجان وكيلو فلفل و٢كيلو ورق عنب لزوم عزومة النهاردة.
سيد أفندى يعود لبيته متعب ورأسه بها دوار مما سمع ورأى
ما كل تلك الزيادات غير المبررة في أسعار الخضار والسلع الأخرى ..
ليقول لأمينة ياعالم إحنا فى شهر كريم ولا مبرر لزيادة الأسعار وإيه كل الكرنب ده ..آه يا أنا يا أما.
حرام عليكى أروح منك فين ومن المحشى..حرااااام يا عالم ..أنا نفسى انام شوية بعد الضهر”..لقيتها بترد عليا عايز ايه يا سيد عدى يومك معانا على خير ..انا بعمل فيديوهات للأكل على اليوتيوب والتيك توك ..رديت “ربنا يوفقك يا روح قلبى وبعدها قلت فى سرّى” يوتيوب ؟..الله يرحم معدتنا اللى تعبت من أكل الدليفرى لقيتها ردت”بتبرطم روح نام وإياك تبهدل الكرنباية اللى على السرير،
المهم دخلت انام..بس كانت احلى نومة بس الحلو مابيكملش صحيت على صوت الولية أمينة وكأن سارينة إسعاف جنبى وهى بتصرخ وبتقول..” اصحى يا سيد…فين الكرنبة اللى كانت على السرير ؟!!!!!!”
ليرد سيد أفندى يا هانم الكرنب مكانه مش السرير وبعدين مش كفاية جشع التجار سلوك الإنفاق بطريقة خاطئة على المحاشى وغيرها من السلع يعطى الفرصة لجشع التجار فيؤثر على الجميع ارحمينى يا أمينة عايز أرتاح.
أمينة ترد يا ندامة انت زعلت منى ياسيد يقطعنى.
يجب أن يكون آلية واضحة على ارض الواقع لضبط الأسعار ومراقبتها والعمل على مواجهة تداعيات التضخم في حالة زيادة الأسعار وتفعيل الرقابة .
والسؤال الذى يطرح نفسه من يمكنه أن يتدخل لوقف هذه المهزلة وضرب التجار الجشعين بيد من حديد لضبط أسعار السوق؟.. هل نترك المجال للكسب الحرام بأعلى المكاسب ؟
وهل نترك سيد أفندى فريسة لكرنب الست أمينة؟
كل عام وانتم بخير..ويجعله عامر .
رئيس مجلس إدارة جريدة القاهرية