القرد السعيد
كتبت/هبه علي
إيلون ماسك معروف إنه من أغني رجال الأعمال في العالم ..من كام شهر في اغسطس تحديدا ، كان في مؤتمر صحفي اعلن فيه ( ايلون ماسك ) انه صنع شريحة بتتزرع داخل دماغ الانسان!
الشريحة دي متطورة جدا ، ومش هتكون باينه للي هتتذرع فيه الشريحة حتى ( ايلون ماسك ) بنفسه قال انا ممكن اكون زارع الشريحة ومحدش شايفها!
طب تعالوا نعرف الشريحة دي مهمتها ايه أو مدى التطور بتاعها اللي هيفيد الشخص اللي هيركبها ؟!
مبدئيا كده الشريحة دي بتقدر تقرأ كل حاجة في الدماغ ؟ يعني هتقرأ كل حاجة في دماغك وكمان تقرا كل مادة كيميائية في المخ ، ومش كده بس دي تقدر تتحكم وتظبط كميا الدماغ؟ بمعنى ان مثلا انت لو عندك مشكلة في السمع أو البصر أو اي مشاكل في الذاكرة او حتى مشاكل نفسية ، او الادمان والتوحد وكل شيء يخص الامراض النفسية تقدر الشريحة دي انها تظبط الدنيا عندك نفسيا!…
مش كده وبس ؟ الشريحة تقدر تحل اي مشاكل في الاعصاب وفي الامراض اللي بتسبب للشخص شلل زي مثلا الجلطات !
تقدر انك توصل الشريحة بتاعتك على الموبايل بتاعك وجهازك اللوحي ! وكمان تقدر تدخل من خلالها على مواقع التواصل الاجتماعي وتلعب جيمز مع اصحابك!
وبعد كده هيكون في تطور اكتر في الشريحة واعلن عنه ( ايلون ماسك ) قال اننا هنطور الشريحة انها تقدر تتحكم في شعور الالم والحزن وتلغيه اصلا! وكمان هيخلوها تتحكم في ذكرياتك وتقدر تحذف أي ذكرى انت مش حاببها أو انك تستحضر ذكرى انت عايزها وتعيشها زي ما حصلت سابقا!.. كمان تقدر تخزن ذكرياتك يعني تعملها داونلود وتحملها جوه الشريحة دي ع جهازك عشان تقدر تستحضرها وقت ما انت عايز! يعني لو انت مضايقك مثلا من شيء مزعلك تروح تفتح جهازك وتسترجع موقف حلو وتمحي بيه شعور الزعل!..
هتقدر كمان تعمل عملية تخاطر عن طريق الشريحة؟ يعني تخيل كده انت عندك صاحبك هو مركب نفس الشريحة بس هو في ( امريكا ) وانت موجود في (مصر ) انت عايز توصل له رساله معينة فتقوم انت موصل الرسالة دي من خلال الشريحة وهب توصله في لمح البصر ( خيال علمي مش كده
تعالى بقى اقولك الخبر الجديد
من كام يوم ( ايلون ماسك ) عمل مؤتمر صحفي واعلن فيه عن نجاحه في زرع شريحة لاسلكية في دماغ قرد ! والقرد فاجئ كل اللي حاضرين المؤتمر انه قدر يدخل على المتجر ويحمل لعبة فيديو باستخدام عقله وكمان لعب اللعبة دي وكان فرحان جدا وسعيد وعمال يتنطط !
وقال ايلون ماسك ( يبدو سعيدا جدا ) يعني القرد سعيد جدا ونبي الجملة دي فكرتني بمشهد في اخر مسلسل النهاية لما يوسف الشريف مش الريبوت كان مبتسم وسعيد ، يعني فيها اشارة منه الابتسامه دي ع الشريحة اللي هتدخل جوه دماغنا اللي هيقدروا يتحكموا في مشاعرنا !
وقال ايلون ماسك ان الشركة خلاص تجاوزت التجارب على الخنازير والقرود والشريحة جاهزة انها تتركب داخل دماغ الانسان!
ووضح تفاصيل تجربة الشريحة على القرد وقال
اننا حصلنا بالفعل على قرد تم زرع لاسلكي في جمجمته باسلاك صغيرة ، يمكنه لعب العاب الفيديو باستخدام عقله.. ويبدو سعيدا تماما .. وقال ماسك: انه لا يشيه القرد التعيس ” أهو تحكم في مشاعرنا! واضاف: لا يمكنك حتى ان ترى مكان وضع الغرسة العصبية انه لا يبدو غريبا أو غير مرتاح “…
يعني الشريحة مش هتكون باينه للناس مش هتقدر تعرف ان كان الشخص اللي قدامك مركبها ولا لأ…
