طاجن لحم تركي
رانيا فتحي عواد
المكونات :
١- عدد ١ كيلو لحم مقطع مكعبات صغيرة .
٢- عدد ١ كيلو بصل مقطع جوليان (شرائح).
٣- عدد ٢ جزرة كبيرة مقطعه شرائح و محمرة في زيت .
٤- عدد ٢ بطاطس متوسطه مقطعه مكعبات و محمرة في زيت .
٥- عصير ٣ حبات طماطم كبار .
٦- عدد ١ معلقة كبيرة صلصة طماطم.
٧- عدد ٢ فلفل الوان مقطعه مكعبات صغيرة .
٨- عدد ٥ فصوص ثوم مهروس ناعم .
٩- عدد ١ مكعب مرق.
١٠- عدد ١ و نص كوب ماء .
١١- عدد ٢ معلقة كبيرة سمن .
١٢- عدد ١ معلقة كبيرة ملح .
١٣- عدد ١ معلقة كبيرة فلفل اسود .
١٤- عدد ١ معلقة كبيرة بهارات لحمه او ٧ بهارات او ١١ بهار .
١٥- عدد ١ معلقة صغيرة بابريكا .
الطريقة :
١- في حلة مناسبة علي نار عاليه هضيف السمن و لما يسخن هنزل بمكعبات اللحمه و اقلب و اسيبهم علي النار لحد ما يتشوحوا و لونهم يغير و يبقوا شبه متحمرين كده.
٢- هضيف الثوم و الفلفل الاسود و اقلب كويس لحد ما ريحة الثوم تطلع كده .
٣- هضيف البصل و اقلب كويس لحد ما البصل يدبل كده .
٤- هضيف صلصة الطماطم و عصير الطماطم و البهارات كلها و الملح و مكعب المرق و اقلب كويس اوي .
٥- لما تغلي هضيف كوب و نص ماء و اقلب كويس و لما تغلي تاني ههدي النار خالص و اغطي و اسيبهم يتسبكوا كويس اوي .
٦- بعد ما يتسبكوا هضيف كل الخضروات العندي و اقلب كويس و اعلي النار لحد ما يغلوا و بعدين اطفي .
٧- هضيف كل الكلام ده في طاجن فخار او بيركس او بورسلين تو حتي صينية عاديه بس يفضل طاجن و هغطي من فوق بورق فويل بحيث ميبقاش فيه اي مجال لا سرسوب هوا يدخل لازم تبقي مقفوله كويس اوووي .
٨- هدخلها الفرن مسخن مسبقا علي حرارة متوسطه لمدة نص ساعه مش هطول لان اللحمه عندي اصلا شبه استوت و الطماطم متسبكه و الخضار متحمر يعني واخد نص سوا فمش هتاخد وقت .
و بالف صحة و عافية
