عيدالعمال
بقلم المستشار احمد النحاس
أنا فخور بكوني مصري
وأن فراعنة عباقرة أصلي
باني حضارة عامل عصري
عملي حياتي بيتي وقصري
بنتج بصنع ليل ونهار
قدام عيني تحدي ونار
راسم سكة خير وعمار
هدفي صناعتي أعلي فنار
مصر بتغزل توب الجودة
منافسة بقوة حالفة العودة
إيدي بإيدها وحلمنا روضة
رافعة لراسي حضنها زودة
بالعلم سلاحي، وبالحلم سابق
ماشي في سكتي بخطى واثق
ما بهربش يوم، ولا عمري فارق
كل ما أتعب، بحس بفارق
أرضي بتناديني أكون أمين
وأصون عهدها بكل يقين
من قلبي دعاء، ومن عيني حنين
وفي حضن مصر، أعيش السنين
نفسي أشوفها في العالي دايم
رايتها فوق الكل، ماشيه وسايم
منجز وعارف طريقي ونايم
على حلم بكرة، فقلبي قايم
