هل يعود الأهلى للدورى ؟
عادل النمر
ابراهيم المنيسي عبر قناته: قرار عودة الأهلي للدوري
نحن لم نُلمح للعوده للدوري.. موقف الأهلي رسميا يحتاج لقرار مجلس ادارة وقرار مجلس إدارة الاهلي بشأن العودة للدوري لم يُصدر بعد..
لكن عندي مشكله حقيقية طلعت فوق السطح بين الرابطة والاتحاد.. الاتحاد مش عايز الاهلي يرجع وعايزها تغفلق وعايز يحل الرابطة وبالمره يعاقب الاهلي وبالمره الاهلي يبعد عن افريقيا وده المراد عند بعض الناس في الاتحاد!!
دياب عايز يحل الموقف حفاظا علي المسابقة تمهيدا لعودة الاهلي وأبو ريدة عايز يقفلها عشان بقي في جيم تاني بينه وبين الخطيب..
خلف الستار في حد بيلعب لصالح بيراميدز وهوصحفي ماسك المركز الاعلامي لبيراميدز وشغال في اتحاد الكوره ومن اقرب الناس لهاني ابو ريدة ومؤثر علي ودانه بشكل مباشر!!
في كل الأحوال المسابقه هتستمر.. الاهلي لو اعتذر للأسف مع الناس دي المسابقة مش هتتهـ ـد هيعتبرك مهزوم في السبع ماتشات وهيعاقبك ويدخل الزمالك مع بيراميدز دوري الابطال!!
تربص شديد بالاهلي ومجلس إدارته.. ابو ريدة عايز يطبق اللوائح وهو أول واحد بيخالفها جايب حكم من الهندوراس لماتش الزمالك وسيراميكا بالمخالفة للمدة الزمنية للايحه
انتوا اخر ناس تتكلم عن اللوائح انتوا عايشين في بركة مليانه بـ ـلاوي ومجاملات فجـ ـه وفي الاخر تقولي أزمة الاهلي والزمالك بسبب ضيق الوقت!!
هصدقك.. طب والحكام اللي كانوا هنا .. الطاقم السعودي اللي جابه الوزيز والطاقم الزامبي اللي كان موجود وجاهز لإدارة المباراة.. ايه اللي منعك؟.. كان ضيق وقت ولا ضيق أفق ورغبتك في إحراج الأهلي!!
عايز تطبق لوائح التزم بيها الاول متبقاش لايحه وجايه عشان تجـ ـور علي حق الاهلي وتخدم مصالح انديه تانيه
