افتحوا كتب التاريخ واحكوا عن جيش مصر
بقلم/ اشرف الشرقاوي
تحية لجندي مرابط علي الحدود اسمه مينا ومعاة صاحبة محمد وجانبهم الصول عبد الودود علي الجبهه واقفين وصامدين حكي التاريخ عنهم أبطال أُسود, تمنوا الشهادة بشرف وحلفوا ليرجعوا حقنا ويستردوا أرضنا وأحكي يا بلد عن زمن الإسود, مينا ومحمد وعبد الودود عاملين علي الجبهة ساتر تقول بكتافهم! تقول بقلوبهم! تقول بإيمانهم!حاملين سلاحهم حالفين قسمهم ,واهبين أرواحهم فدي أرضهم. وكان الساتر من قدامهم أرواحهم وحب ربنا ليهم ساتر,ساتر بيحمي عرضنا ساتر بيحمي أرضنا.
مينا أسد علي الشط واقف سلاحه في يده إيمانه في قلبه وأقسم وحالف ما هنكسرك يا بلدنا ولا لعهدنا هنخالف.
وصوتك يا محمد صرخة تلالالي في ليل الصحاري تهز قلوب, تضعف نفوس ترعب وحوش البراري, أنا المصري محمد المصري الفلاح الأصيل اللي مرابط علي الحدود دفنت قلبي بأيدي وحالف ما في يوم أعود إلا بعزك يا بلدي وأمنك ليكِ يعود وأنا هنا مرابط علي الحدود .
وعمرك ما نسينا كلامك يا عبد الودود علي السمسمية كان يغني يا بن بلدي. بلدك أمانة شرفها أمانة أرضها عرضها أمانة واللي يفكر يلمس شبر منها يا ولدي في عرفها إهانة.
أطمئني يا أُمي ومتخافيش أنا ومحمد ومينا نار ومتنطفيش وروحي يا أُمي فدي بلدي, ومتقلقيش يا أُمي دا مينا إيده في إيد محمد عاملين يا أُمي ساتر, ساتر بيقفل كل الاماكن .
ومش قال ليكم رئيسنا جيشنا قوي وإطمئنوا يا مصرين اللي هيفكر يمسها من علي وش الأرض هنشيلة . دي مصر الأصيلة مصر الكبيرة اللي يا ما حطمت طغاة ويا دمرت أعتي الجيوش. أيد المسلم تمسك صليب وأيد مسيحي تمسك هلال الكل واحد قلب واحد وطن واحد عزنا واحد شرفنا وعرضنا واحد أوعي يا مصري القسمة والفرقة تعرفلك طريق دا الرب واحد والقلب واحد والوطن واحد وأعدائك يا مصر كتير وربنا كبير مادومنا مترابطين وعلي العهد متواعدين يا نحافط عليها ونجيب حقها فالموت أهون ومش راجعين . فتحية لجندي مرابط علي الحدود أبني محمد وأخوة مينا وعمهم عبد الودود. والظاهر أن البعدا متوعظوش من العلقة اللي فاتت. بصوا يا بعدا علي الحدود هتلاقوا مليون محمد وعلي المدفع مليون مينا وعلي البرج العالي هتلاقي عبد الودود بيراقب الحدود.
ايها الشعب الأبي ايها الأب المصري الأصيل والأم المصرية الأصيلة قصي لأبنك الجندي المقاتل في الجيش المصري عن قصص الوحوش الأجداد في 73 , كيف استعادوا الأرض والعزة والكرامة .أحكي لأبنك عن الشهداء ودمائهم علي أرض سيناء الكرامة . وإدعي له وقولي له أصمد يا ولدي ودافع عن أرضك وربي وقلبي يا ولدي عنك راضيين أنت وإخواتك اللي علي الجبهة واقفين.
بلادي ….بلادي …..بلادي لكِ حبي وفؤادي
بلادي … بلادي …. بلادي لكِ فخري ومنكِ
عزتي وأمجادي …… فمنك كرامتي يا جيش بلادي
فأنت درعي وحصني وأمني وأماني ضدد الاعادي
