حواوشي اسكندراني وش بيتزا و موتزاريلا 😍
إعداد/ زينب عبد العزيز
بطريقة جوسي ولذيذة وطعمه يجنن جدا جربوها ♥️
طريقة العجينة 🥰
المقدار ده عمل ٦ انصاص كبار يعني ٣ ارغفة كاملين
٤ كوب دقيق كيس خميرة فورية معلقة سكر كبيرة معلقة ملح صغيرة معلقتين كبار لبن بودرة و١٠٠ جرام زبدة سايحة وماء دافئ للعجن
الزبدة متبقاش سخنه نسيبها تهدى شوية ونحط كل علي بعض والمياه شوية ونعجن ونحط لغاية متتماسك العجينة ونغطيها ونسيبها تخمر لمدة ساعة وبعدين نفرد بقه دوائر كبيره ونحشي بقه لحم أو سجق أو بسطرمة وجبن زى منحب
وعلي الوش جبنه موتزاريلا وزيتون وفلفل اي حاجه تحبيها
تتبيلة اللحم 🤩
لحم مفروم به سمين بسيط
٣ بصلات مفرومين
بقدونس وفلفل حار اختياري
ملح وفلفل وبهارات لحم
بعدين عالرف التاني في الفرن لمدة من نص لساعة الاربع ونتابعها علي درجة ٢٠٠ وندهن الصواني زيت علشان متلزقش يفضل تيفال
ملحوظة بعد منطبق رغيف الحواشي ندهن الوش بالفرشاه زيت بسيط ونشكشك بالشوكة الرغيف من فوق.
وألف هنا وشفا 😍
