طبقات الموز بالكراميل
إعداد/ زينب عبد العزيز
المقادير 
4حبات موز
4كوب حليب
2باكت كريم كراميل بودرة
بسكويت ساده
شرائح موز
الكراميل 
كوب سكر
ربع كوب ماء
معلقتين زبده كبار
كوب كريمه سائله
الطريقه
اول حاجه اجهز الكراميل ف حله ع النار اضيف كوب سكر واضيف الماء واسيبهم ع نار متوسطه لغايه ماالسكر يتكرمل ويبقي لونه بني واضيف الزبده هتلاقي الكراميل بدأ يمسك متقلقيش هيسيح تاني مع التقليب اول ماالزبده تسيح اضيف الكريمه السائله واول ما تغلي دقيقه بالضبط واشيله من ع النار اصبه ف برطمان زجاجي أو اي حاجه بيركس لانه بيبقي ساخن جدا واسيبه يبرد تماما وأدخله التلاجه كده الكراميل جاهز 
وف الخلاط اضيف الموز والحليب واخفقهم كويس جدا وبعدين ف حله اضيف الخليط واضيف عليهم الكريم الكراميل البودره واقلبهم مع بعض كويس وع نار متوسطه لغايه ما الخليط يغلي واشيله من ع النار وابتدي اعمل طبقات البودينج ف القاعده اضيف بسكويت وبعدين طبقه من الخليط الكريم كراميل وبعدين طبقه بسكويت تاني وبعدين طبقه الكريم كراميل وبعدين اول مايبرد خالص اسيبه ف الثلاجه كده ساعه ونص تقريبا بتكون الطبقات تماسكت تماما اضيف الكراميل اللي حضرته ف الاول وعليه شرائح موز وكسرت قطعه بسكويت بالشوكولاته وزينت بيها الأطراف وطبعا التزييين ده حسب الرغبه وبيطلع بالشكل الجميل ده ويتقدم بالهنا ع قلوبكم
وزيرة التنمية المحلية تبحث تعميم مشروع “حينا” ودعم سياسات التنمية الحضرية بالمحافظات