المكرونه بالفراخ والصوص الابيض
اعداد / رانيا فتحى
المقادير:
1/2 كيلو مكرونه مسلوقه
1/4 كيلو صدور فراخ مقطعه شرائح
1 بصله شرائح
2 فلفل الوان او اخضر شرائح
2 فص توم مهروس
2 معلقه دقيق
3 معالق زبده
1 كوب لبن
1 كوب كريمه لبانى
1/2 كوب مشروم (اختيارى)
1 كوب جبنه رومى او شيدر مبشوره
3 معالق زيتون حلقات (اختيارى)
1/2 معلقه ملح
1/2 معلقه فلفل ابيض
1/2 معلقه بابريكا
1/4 معلقه زعتر
الطريقه :
هنحط طاسه على النار وفيها معلقه زبده وبعدين هنشوح فيها البصل والتوم والفراخ والمشروم والفلفل لحد ما الفراخ تستوى هنتبلها ملح وفلفل وبابريكا وزعتر ونحط الزيتون وبعدين هنجهز الصوص الابيض هنحط حله على النار وفيها معلقتين زبده ومعلقتين الدقيق هنقلبهم مع بعض لحد ما ما الدقيق يصفر وبعدين هننزل عليهم باللبن والكريمه ونقلب كويس جدا لحد ما يبقى الصوص سايل شويه عن البشاميل وبعدين نحط فيه فلفل ابيض و1/4 كوب جبنه وبعدين نحط المكرونه المسلوقه والفراخ فى صنيه ونقلبهم مع بعض وننزل عليهم بالصوص ونرش باقى الجبنه عليهم وممكن نقدمها كده او ممكن ندخلها الفرن عشر دقايق تحت الشوايه تاخد لون
