السمك البلطي المقرمش
رانيا فتحي
التتبيلة :
١٠فصوص توم
٢قرن فلفل رومي اخضر
٢قرن فلفل رومي احمر
قرن فلفل حامي
ربطه كزبره خضرا
عصير لمون
خل
نص كوب ميه
التوابل :
ملح /كمون/كاري/كركم
بابريكا /كزبره ناشفه
٢كوب دقيق
٢م ك نشا هرميه
زيت للقلي
طريقه التحضير :
هننزل بكل مكونات التتبيله في الكبه ونضربها كويس اوى وننزل بيها في بوله
ونحط التوابل ونقلب كويس
(هناخد منها شويه في بوله صغيره للارز)
هنعمل فتحات في السمكة من الناحيتين بالسكينة ونتبلها كويس اوى بالتتبيله من جوا ومن بره ونسيبها شويه
هنجيب صينيه ونحط فيها الدقيق والنشا وعليهم شويه من التوابل البودرة فقط وننزل عليه بالسمك ونغلفه كويس اوى
البوله اللي فيها التتبيله مطرح السمك هنحط عليها ميه ونسقي فيها السمكة بعد ماتاخد طبقة الدقيق وبعدين ننزل علي الزيت علي طول وتطلعيه لما يبقي دهبي ومقرمش كده وبالف هنا وشفا
ارز سمك بالتتبيله :
كيلو ارز مغسول ومصفي
زيت
بصله مفرومه
م ك من تتبيله السمك
م ك صلصه
كمون
ميه سخنه
طريقه التحضير :
شوية زيت وهننزل عليهم بالبصل المفروم ونشوح لحد مايغمق خالص وننزل عليه بالصلصه وبعدين التتبيله (اللي خدناها في بوله صغيره ) وبعدين شوية مية ونسيبهم يغلو شويه مع بعض
وبعدين ننزل بالارز ونظبط المية والملح ونسيبه يستوي
