شعر شعبي/حاتم بن حورية من حمّام الأغزاز تونس
متابعة عبدالله القطاري من تونس
فها الكون كوّن روحك بروحك
وبالعز داوي جروحك
لا تظهّر بكاك و لا تظهّر نوحك
كان ظهّرته
بديك ڨلبك تكون إنت غدرته
وبيدك ڨبرك تكون إنت حفرته
و لا تلوم عل الڨدر من دوحك
وڨدّاش من حبيب إنت نصرته
و اليوم ما لڨيت حد فسوحك
شي ما يهمّك
ولا تعوم في ڨياس بحر يغمّك
و أترك النّاس غير بوك و أمّك
من صغرك همّا السعوا ضد طيوحك
و لا تحط لڨمة تفوت حجمه فمّك
راهو الطّمع يزيدلك في شيوحك
ڨيس لباسك
و ثوب العز يكون ڨد ڨياسك
بيه تشمخ و يزيان بيه احساسك
يعلّي مقامك و يزيدلك فطموحك
تكرم اصلك و تعرف متانة ساسك
و تفخر بهمّة ارياحهم فلڨوحك
إكتم و خبّي
و في كنين دواخلك اخزن و عبّي
إشبح بعينك و خلّيها على ربّي
وإبلع سكّينهم بوجه ڨفى يتضوحك
ملزوم يجيك وڨت في ڨولك تلبّي
يهابوا ڨدرك عارفين زيت نضوحك
إكمي خبرك
و ڨيس كلام النّاس بحلّة شبرك
و لا تصاحب ڨوم ماهم من سبرك
وخلّيك شامخ بأعلى صروحك
و كل فعل ملزوم ينفعك في كبرك
و زرع الصابة تحصده بعز ڨموحك
لا تصيبك غلبة
و لا تهاب في الدنيا حاجة صلبة
بطموحك راهي تلين مثيل العنبة
ويسهال كل من جا ضد ريوحك
و كل من تحاذيه و تاڨف جنبه
ملزوم يڨدرك و يهاب كسوحك
تسجيل الدخول
تسجيل الدخول
استعادة كلمة المرور الخاصة بك.
كلمة المرور سترسل إليك بالبريد الإلكتروني.
تتجه
- وكالة الأمن البلغارية إن أجهزة البيجر المستخدمة في هجوم لبنان لم تصنع في بلغاريا
- كيف تعرف إذا كانت دفاعاتك منخفضة؟
- وزيرة الأسرة تؤدي زيارة تفقد ليلية للمركز المندمج للشباب والطفولة بحي الخضراء
- نصر الله يتحدى إسرائيل بغزو لبنان في خطابه ويصفه بـ”الفرصة التاريخية”
- ترامب “إن اليهود الذين يصوتون لهاريس يجب أن يخضعوا لفحص رؤوسهم”
- أعراض السرطان التي تظهر ليلا
- محافظ السويس يتابع الإستعداد لإستقبال العام الدراسي الجديد
- افتتاح السنة التكوينية الجديدة 2024-2025 بالمركز القطاعي للتكوين في الصيانة الصناعية بنابل .
- خالد الجندي يحكم المثل الشعبي “طلع من المولد بلا حمص”
- خبير أمن معلومات: ما حدث في لبنان بتفجير أجهزة البيجر عملية مخابراتية بامتياز
السابق بوست
القادم بوست
قد يعجبك ايضا
تعليقات