ليهم تحيّة
شعر/أمين بنت العافية من ليبيا
متابعة عبدالله القطاري من تونس
أجواد شرفونا بالقدر والجودة
ليهم سلف الباهية مردودة
ليهم كثير مودة
وليهم تحية وقدر فايت حدة
اللي يفزعوا وقت اللزم والشدة
والحُرّ مايبخلش من مجهوده
ولجواد بيهم في الجدب نتحدي
كما الغيث يحييها منابت جودة
ولجواد تحفظ في الجميل تردة
فأل خير …للقاصد نهار سعودة
وليام راهي دور ردة بردة
يربح ال دار الخير في مقصودة
ويربح اللي تبع طريق امجدة
وللصلح سخر كلمته ونفوده
وقداش عندي من خبر بنعدة
حديث من خبر ليام فيه شهودة
والصبر حكمة والتريس اتقدة
والكرم صيفة باهي محمودة
ولد الأصل ماينسى عوائد جدة
ولايوم يخلف كلمته ووعودة
وعنده قدا شور الاجواد مردة
كبير عقل واضح من كلام ردودة
