طاجن كوسة مطبوخة
رانيا فتحي عواد
المكونات :
١- عدد ٣ كوسات كبار متقشرين و مقطعين دواير كده متساوية و سمكهم متوسط مش رفيع و مش تخين .
٢- عدد ١ بصلة متوسطه مفرومه .
٣- عدد ١ معلقة كبيرة معجون طماطم .
٤- عدد ١ و نص كوب عصير طماطم .
٥- عدد ١ كوب مرقة ( طيور او لحوم ) و يمكن استبدالها بكوب ماء مذاب فيه مكعب مرق ).
٦- عدد ١ معلقة صغيرة ملح .
٧- عدد نصف معلقة صغيرة فلفل اسود.
٨- عدد نصف معلقة صغيرة كمون .
٩- عدد ١ معلقة صغيرة بابريكا .
١٠ عدد ١ معلقه كبيرة سمن .
١١- عدد ١ معلقه كبيرة زيت ذرة او عباد .
١٢- ١ معلقة صغيرة ٧ بهارات .
الطريقة :
١- في حلة مناسبة علي نار عالية هضيف السمن و الزيت و البصل و هشوح البصل لحد ما يدبل و ياخد لون اصفر .
٢- هضيف معجون الطماطم و اقلب .
٣- هضيف عصير الطماطم و اقلب كويس و اهدي النار و اغطي و اسيبها تتسبك كويس اوي .
٤- بعد ما تتسبك هعلي النار و هضيف كل البهارات بتاعتي و اقلب كويس .
٥- بعد كده هضيف الكوسة بتاعتي و اقلب كويس
٦- بعد كده هضيف كوب المرق و اقلب كويس .
٧- بعد ما تغلي هطفي النار و هفضي الحلة بتاعتي في طاجن مناسب الحجم للكمية و ينفع يدخل الفران .
٨- في فرن مسخن مسبقا علي درجة حرار متوسطه هدخل الطاجن بتاعي هياخد تقريبا من تلت لنص ساعه او علي حسب بوتجازك و بعد كده تبقي جاهزه معايا احلي طاجن كوسه .
ملحوظه :
ممكن اعمل الكلام ده كله ني في ني
بجيب طاجن الفرن و اضيف فيه كل المكونات كلها كلها بلا استثناء علي البارد كده و اقلب كويس و ادخلها الفرن تستوي منها في بعض بقي ني في ني هتاخد تقريبا ساعه الا ربع سواء و برده هيبقي احلي طاجن .
و بالف صحة و عافية
