الثوم الابيض ام الثوم الاحمر
سويده أحمد
الثوم الاحمر
الثوم الاحمر كبير ومريح حتى لو الراس صغيره الفصوص كبيره برده وسهل في التقشير و بيعيش اكثر
وكمان بحبه فصوص مع اللحمه البارده وبحب اقطعه مع بعض المخللات
الثوم الابيض
البلدي الأبيض احسن واقوي في النكهه وانا بحبه جدا في الفرم بيكون تحفه سهل جدا في الفرم وهو اخضر
مشكلته الوحيده ان خلقه ضيق كده وبيفضى بسرعه في التخزين عشان كده بحب افرمه
هقولك على كل الطرق اللي تقدري تستخدمي فيها التوم سواء احمر او ابيض
طريقه بحبها
نقشر التوم فصوص سليمه ونضعه في برطمان زجاج ونغطيه بالزيت وتوضع في التلاجه
الزيت دا اوعي ترميه هنستخدمه في الطبخ بتاعنا عااادي خالص بالعكس كمان له نكهه مميزه وفوائده عديده جدااا
فرم الثوم
نفرم التوم ومعاه معلقه ملح يتقلب في بعضه وفي اكياس أو علب ثلاجه وعلى الفريزر ويبقى ثوم مفروم ومتفرز تحفه
طريقه عمل الثوم البودر
هنقطع جزء من الثوم شرائح مع قشر الثوم الداخلى ونسخن الفرن ونفرش الثوم علي صينيه تكون بتدخل الفرن واول ما الفرن يسخن نهدى الحراره على الاخر وندخل التوم عشان ينشف من السوائل اللي فيه وكل شويه نقلبه بيقعد دقائق بس ولما يبرد خالص نضربه في الكبه وبقا عندك احلي توم بودره مركز وبيور ونكهه وريحه رهيبه
ثوم بقشره في الفريزر
تخزني التوم بقشره في علبه أو كيس تلاجه في الفريزر ولما تحتاجي طلعيه بيكون سهل في التقشير وجميل
ريحه الثوم بتكون صعبه في الفريزر جدا فعندك
حل بضع اثنين مكعب من الفحم في الفريزر بيشيل الروايح شويه بتاعه التوم من الفريزر
