كبدة بالردة
رانيا فتحي عواد
المكونات:
١-عدد نصف كيلو كبده شرايح زي شرايح البانيه .
٢-عدد ٥ فصوص ثوم مهروس.
٣-عدد نصف معلقه(ملح و فلفل اسود وكمون وكزبره ناشفه).
٤-عدد ١ عصير ليمونه كبيره.
٥-عدد ١ كوب رده .
٦-زيت للقلي.
٧- عدد ١ معلقه كبيره خل.
الطريقه:
١-في بوله هننزل بالكبده والثوم والملح والكمون والكزبره الناشفه والليمونه و الفلفل الاسود و الخل ونقلبهم مع بعض ونشيلهم في التلاجه لمده لا تقل عن ساعه .
٣-نخرج الكبده من التلاجه ونجيب طبق مسطح كبير ننزل فيه بالرده وبعد كده نجيب شرايح الكبده نغطيها بالرده من الجانبين ونكرر الخطوه دي لحد ما شرايح الكبده تخلص.
٣-في طاسه علي النار فيها زيت اول ماتسخن هننزل بالكبده اول ما لونها يبقا دهبي هنقلبها علي الجنب التاني اول ما الجنب التاني يستوي هنخرجها علي مناديل مطبخ وبعد كده نحطها في طبق التقديم .
و بألف صحه وعافيه
