البط المحمر
رانيا فتحي عواد
المكونات :
١- عدد ١ بطة كبيرة .
٢- عدد ١ بصلة كبيرة مقطعة كبير .
٣- عدد ١ طماطم كبيرة مقطعه كبير .
٤- عدد ١ جزرة كبيرة مقطعه كبير .
٥- عدد ٢ فص ثوم كبير مقطع شرايح .
٦- عدد ٣ ورق لورا .
٧- عدد ٤ حبهان حب .
٨- عدد ٢ معلقة كبيرة ملح .
٩- عدد ١ معلفة كبيرة فلفل اسود.
١٠- عدد ١ معلقة كبيرة كسبرة ناشفة مطحونه .
١١- عدد ١ معلقة صغيرة جنزبيل .
١٢- عدد ١ عود قرفة ( معلقة صغيرة قرفة ).
١٣- عدد ٢ معلقة كبيرة خل .
١٤- عدد ١ عصير ليمونه.
١٥- عدد ٢ معلقة كبيرة دقيق.
١٦- عدد ١ معلقة كبيرة صلصله.
١٧- عدد ١ معلقة كبيرة زيت .
١٨- عدد نص معلقة صغيرة ملح .
١٩- عدد نص معلقة صغيره فلفل اسود.
الطريقة :
١- هنغسل البط كويس اوي و نشيل منه اي شوائب او ريش اوي شئ .
٢- هنجيب طبق مايه كبير و نحط فيه معلقتين الدقيق و ننقع البطه فيه لمدة ربع ساعه .
٣- هنغسل البطه كويس من الدقيق و بعدين ننقعها في خل و ليمون لمدة ربع ساعه و بعد كده نغسلها كويس و نركنها علي جنب .
٤- في حلة مناسبة لحجم البطه هنحط كمية مايه مناسبة و نسيبها علي نار عالية لحد ما تغلي .
٥- بعد ما تغلي المايه هنضيف الخضروات المقطعه كلها و التوابل و نقلب كويس نسيبهم لما يغلوا و بعدين نضيف البطه و نسيبها لما تغلي و بعدين نهدي النار خالص و نغطي و نسيبها تستوي .
٦- بعد ما تستوي قدامي طريقتين للتحمير يا اما احمرها في سمن و زيت تحمير عادي خالص علي النار .
يا اما هعمل خلطه ( صلصة و زيت و ملح و فلفل اسود) و ادهن بيهم البطه و ادخلها الفرن تتحمر من كل الجوانب .
و بالف صحة و عافية
