أصابع الجلاش باللحمة المفرومة
رانيا فتحي عواد
المكونات
نصف كيلو جلاش او لفه جلاش
للتشريبة
كوب حليب
بيضه
ملعقتين كبار دقيق
ربع كوب زيت
ملعقه كبيره سمنه
رشه ملح وفلفل اسود مطحون
للعصاج
نصف كيلو لحم مفروم
بصله كبيره مقطعه مكعبات صغيره
فلفل رومي قطع صغيره
جزره مبشوره اختياري
ربع ملعقه ملح وربع فلفل اسود وربع بهارات لحمه
الطريقه
اولا نعصج اللحمه
في طاسه علي النار بنزل بملعقتين زيت وننزل بالبصل يدبل ويصفر ننزل بالفلفل والجزر نقلبه ننزل باللحمه المفرومه وعليها البهارات والملح والفلفل ونقلب لما تستوي نطفي عليها النار وبتكون جاهز معايا
بالنسبه للتشريبه
نضع اللبن مع البيض وملعقتين دقيق والملح والفلفل والزيت وتقلب جيدا وبكده تكون جاهزه معانا العصاج والتشريبه
نفرد ورقه جلاش وتدهن بالتشريبه بفرشاه ونضع عليها ورقه اخري وتدهن ثم نضع علي طرفها جزء من اللحمه المفرومه وتلف رول وترص في صينيه مدهونه زيت او مدهونه زيت
ونكرر حتي ينتهي كل الكميه نسقي الجلاش بالتشريبه ال تبقت
وتوزع علي الوجه ثم تقطع اصابع حجم واحد وتدخل فرن ساخن علي درجه حراره ١٨٠ لما ياخد اللون الذهبي بخرجه واتركه يهدي واعيد تقطيعه مره اخري ويقدم بالهنا
