طريقة عمل دقة الفول لسحور رمضان
رانيا فتحي عواد
الطريقة
تجيبى معلقتين كبار كسبرة ناشفة حصى ومعلقتين كبار كمون حصى
وتحمصيهم فى طاسة على النار بس اوعى تتحرق منك وتطحنيهم فى الكبة ( ممكن تستخدمى المطحون الجاهز عادى بس الى هاتحمصية بيبقى أحلى )
تحطى بقى عليهم ربع معلقة كبيرة شطة حمرا و معلقة ملح
تضربى بقى فى الكبة كسبرة خضرا و بقدونس و شبت وكام فص توم وتحطيهم على التوابل الى ضربتيهم فى الكبة قبل كدة
تعصرى ليمون على قد فنجان قهوة صغير وتحطية على الخلطة الى عملناها وكمان فنجان قهوة صغير خل و نص كوباية مية ونص كوباية زيت وخدى بالك لما تيجى تعملى الفول ماتكتريش فية الزيت عشان الدقة فيها زيت وتقلبيهم كويس
تحطى بقى الدقة دى فى قزازة قزاز فى الثلاجة وتحطى منها على الفول وتقعد معاكى شهر كامل فى الثلاجة زى الفل.
