إزاي تحافظي علي الثوم عشان ما يفضاش ويبوظ وإزاي تعملي التوم البودر كمان
رانيا فتحي عواد
الطريقه الأولي
هنقشر التوم بتاعنا ياست الكل فصوص سليمة ونضعه في برطمان زجاج ونغطيه بالزيت وتشيليه في التلاجة وبس كدا بس تعالي اقولك بقا الزيت دا اوعي ترميه هنستخدمه في الطبخ بتاعنا عااادي خالص بالعكس كمان له نكهة مميزة وفوائده عديدة جدااا
الطريقه التانية
ممكن نفرم التوم ومعاه معلقة ملح ومعلقتين زيت يتقلب في بعضه وفي أكياس أو علب تلاجة وع الفريزر ويبقا توم متفرز
وممكن كمان تعملي توم بودره
هنقطع التوم شرائح ونسخن الفرن ونفرش التوم علي صينية تكون بتدخل الفرن واول ما الفرن يسخن نطفيه وندخل التوم علي الحرارة والصهد عشان ينشف من السوائل اللي فيه ولما يبرد خالص نضربه في الكبة وبقا عندك أحلي توم بودر مركز وبيور ونكهة وريحة
طريقة كمان
تخزني التوم بقشره في علبة أو كيس تلاجة في الفريز ولما تحتاجي طلعيه بيكون سهل في التقشير وجميل