القاهرية
العالم بين يديك
Index Banner – 300×600

من طبيعة الفهد صيٌاد

63

 

شعر شعبي/حاتم بن حورية من حمّام الأغزاز تونس

متابعة عبدالله القطاري من تونس

من طبيعة الفهد صيّاد

و الفهد يجيب الفهودة

و من طبيعة القرد قوّاد

و القرد يجيب القرودة

و الصّيد ديــــما هـــدّاد

و الصيودة تجيب الصيودة

و المسّخ ينبتو القــــراد

و القراد حياتو محدودة

والنّظيف يملك شهادة العباد

و كــل شهـــادة مشهـــــودة

و السّاقط النّاس عليه بعاد

و مســـاربه ديـما مسدودة

إمشي بالنيّة ما تكون ردّاد

و لا تخــلّي صيفتك مردودة

راهو الخبيث ديما شرّاد

و أيـــام الخبث معدودة

كــــنت معاك رفيق ما ينعاد

وڨت الحاجة حبالي مشدودة

و كنت معاك ما نخلّف ميعاد

و فـــي لحظــة ناري ميڨودة

كنت معاك هزّاز حمل جهاد

حمل ثڨيل و الصحّة ممدودة

ياخي بارزتني بكثر العناد

و نكرت جميلي و مجهوده

زعمة يجيك نعاس و رڨاد

وڨت النّاس لكل رڨودة ؟؟

و إلّا ينبتك تخمام و سهاد

و راحتك هاملة مفڨودة ؟؟

نعرفك بلاش احساس هوّاد

همتك طايحة بلاش حدودة

لكـــــن ربي هو المــجّــاد

و نهي الظّلم و آياتو معبودة

قد يعجبك ايضا
تعليقات