القاهرية
العالم بين يديك
Index Banner – 300×600

شعب الجبارين

123

 

شعر /سنان عبدالحفيظ من بسكرة الجزائر

متابعة عبدالله القطاري من تونس 

 

وعدكْ يا بلفور للتـأريخ أســـودْ //// دنس فلسطين أرض الرسالاتْ

ازْرعتم خنازير في الأرض ا تْـفسـدْ …. تقتلْ في أطفالنا والأمهات

جرايـم شـارون زادتْ اعْلى الحـدْ //// من صبرا الجنينْ نازية ولاتْ

قتـلانـا فْ جِنينْ ولّا في المـسجـــدْ ////من تحت الأنقاضْ طَلعتْ بُطولاتْ

صهيوني جبـان خاف يجيه الــردْ ///// من شباب تْعهدوا بالتضحياتْ

وَقْـفة احـتـرام للأخرص واحْمَـدْ //// ضحى بنفسُ باش يمنحنا الحياةْ

الشكـوى لله ما هي حتّـى الـحَــدْ /// يعطينا من قُو تُو نصنع آياتْ

يـاسر عرفات في حسـرة صامـدْ //// شعب الجبارين ما يركع هيهاتْ

من مسرى الرسول بن عبد الله احمدْ //// من حيط البوراق لنا مُعجزاتْ

عدّينا العبـور عن ِليهـودْ اتْهــدْ*** //// حرب الإستنزاف في غزة وُإيلاتْ

تحياتي الخالصة للــدرة أحمــدْ /// من دماه اليوم تُنسج ملحماتْ

أعدمتوا أطفــال بالـدّم البــارد ْ /// ياسوع المصلوب بأيديكم ماتْ

تدّعي السلام وألسانكْ مـــبْرَدْ /// دْراكولا عاش في شارون وُماتْ

يـا جنين عــلاه منك نَتشـــرّدْ /// وأنا وحدي طول عايش ف الشتاتْ

توسلتوا السـلام من بوش الملحـد ْ //// واه الذيب يكون راعي للعنزاتْ

نشـكي للإله ما نَشكيشْ الحَـــدْ::: يعطينا من قوته للضعف إنباتْ

نْقاوم الإحتـلال بالحجرة واليــدْ //// وَينا حرِّيا اتْجي بالشكاياتْ

وين اسلاحــكْ يا الحاكمْ الأوْحـدْ //// ولّا انتايا مْسلطو عنا وفراتْ

ِوينْ الخطاب في المنبر ترعــدْ //// تهفوا بيها الشعب في البرلماناتْ

وينْ الطيارات اللي بيها تــردْ //// تحمينا من كل هذي الشاروناتْ

ولا انتم جبنتوه الْحمّة واحمدْ /// تَحْموا بيه رواحكم عند الهزاتْ

لما خاب سْلاحكم في يوم الجدْ /// روحوا صلوا عليه صلاة الوفاتْ

حتى قنواتكمْ ف السمْ اتْمَدْ/// البرامج السّاقْطَه والتّفهاتْ

درتُ قنواتْ فالْحُكمْ تْمَجّدْ :::روبُوّاتْ مْوَجْها تخدمْ فَيئاتْ

الثقافـة الهـادفة قُلْتو تـْفسّـــدْ /// احنا عصر اليوم وانتم اللي فاتْ

هذي قنواتكم للررقص اتعــدْ /// واتشجع أفكار في سادوم فناتْ

رجالة ولاّت للْماكْياجْ ْتشَــدْ /// بالمسْحوقْ وُجوها كِزو الفتياتْ

كممتم شعوبكم في ذا الموعـدْ /// امنعتوها الدير حتى الماسيراتْ

فلسطين اليوم راها تتمرمدْ //// ملعونة سلامكم والْقُماماتْ

ضُلمك ياشارون من يوضع لُ حدْ /// ضلمك ف الكلنيس فاق الظُّلماتْ

انهارك أكيد أنهارُ أسْـــودْ //// يا ويلك من جيل قادم منْ شَتاتْ

هذا أنهار كبير لازم انحــددْ /// احنا مْنَ الحيين ولاّ مْنَ الأمواتْ

يُونس

قد يعجبك ايضا
تعليقات