القاهرية
العالم بين يديك
Index Banner – 300×600

إزاى منحبكيش؟

503

 

 

شعر بقلم سمر فتحى

 

ازاى نقدر منحبكيش؟

وانتى اللي ترابك

حبه وحبه

حبه رفات أجدادنا

وحبه بذور احفادنا

 

ازاى نقدر منحبكيش؟

وانتى اللي في هواك

ياما عذبتى الملايين

من كل شكل ولون

في هواكى متمرمغين

 

ازاى منحبكيش؟

وكل حرف في اسمك

مرسوم في رمش العين

لكل بنت وولد

علي أرضك مولودين

 

ازاى منحبكيش؟

وانتى اللي نورتى

وبدأتى وطورتى

علي أرضك

العلم والدين

 

ازاى منحبكيش؟

وعاش فيكى الانبياء

والزعماء والشعراء

والأدباء والعلماء

ولادك الطيبين

 

ازاى منحبكيش؟

وانتى النهارده

وبكره ولحد يوم الدين

محروسة من رب العباد

ومذكورة في الكتاب المبين

ادخلوا مصر أن شاء الله أمنين

 

وازاى منحبكيش؟

يامصر مش هنقدر منحبكيش

بنحبك يامصر

وغيرك مفيش

قد يعجبك ايضا
تعليقات