كوكيز المدارس باسهل مقادير وابسط طريقة
رانيا فتحي عواد
المقادير
2 كوب الا ربع دقيق
نصف كوب سمنة
نصف كوب سكر بودر
نصف م ص بيكنج صودا
بيضة – فانيليا – ذرة ملح
شوكلت شيبس
الطريقة
اخلطي السكر البودر مع السمنة لحد ماتدي قوام ناعم وفاتح
انزلي بالبيضة وطبعا وراها الفانيليا واخلطيهم سوا بالمضرب
حطي بقى الخليط الجاف من الدقيق والبيكنج صودا ورشه الملح
لو بالشيكولاته هتشيلي معلقتين دقيق وتحطي مكانهم معلقتين كاكاو لميهم بايدك لحد ماتبقى عجينه ناعمة معاكي و مش بتتشقق
سبيها تستريح شوية و بعدين كوريها و حطي الشوكلت شيبس ورصيها في الصينية وسيبي مسافة بين كل اتنين عشان هتفرش شوية
علي درجة حراره ٢٠٠ و الف هنا وشفا