لٓوْ ڨُلْتْ اُمِّي .. وٓاشْ نْڨُـولْ ؟ ؟؟

شعر / فاروق الجعيدي من تونس
متابعة عبدالله القطاري من تونس

نْڨُولْ هِيّٓ الْبٓسْمَه فِي فُمِّي
ڨٓمْرٓه ضٓوّٓايَه فِي سْمٓايٓا
هي لُون الحُمْــرَه فْ دَمّي
وْهِـيّٓ لٓحْنِـي و الْغُنّٓـايَه
لوْ نِزْهَى تفرحلي أمّي
وْلٓـوْ نتْكَـدّرْ تحمـل دايَا
وَاشْ نْوَصِّفْ وَاشْ نْسَمِّي
قصّـه مـا ليهَـاشْ نْهٓايَه !!!

اُمِّي ڨٓمْرٓه فْ شٓهْرْ رْجٓبْ
هِــيّٓ نٓبْــعْ الْحُـبْ مْـرٓايَا
اُمِّي مٓـا تُـوصِـفْهٓا كْـتُـبْ
مٓا تْغٓنِّـيهـٓا ألْـفْ غْـنٓاايَـه
أُمِّـي مٓـا يُـوزِنْـهٓا ذْهٓـــبْ
أمِّـي مٓـا تٓحْـكِيهٓا حْكٓايٓه
أُمِّـي مٓـا تٓـقْــرٓا وْتِكْــتِـبْ
أمِّـي تُطْــرُزْ عٓ السّٓـدّٓايٓه !!!

لٓوْ ڨُلْتْ اُمِّي نْڨُولْ حْبِيبٓه
سِتْري وجْنٓاحِي وغْطٓايٓا
في رْضٓاهٓا تْجِينِي بِسْبِيبٓه
كْنُوزْ الدِّنْيٓا فْ يٓدِّي هْدٓايٓا
أمِّـي دِيمٓـا بْجٓنْـبِي ڨْـرِيبٓه
أمِّــي لِعْيُــوبِـي نٓسّٓـــايَـه
مِنْ غِيرْ اُمِّي الدِّنْيٓا صْعِيبٓه
غْـرِيبْ وْتٓـايِهْ بِينْ ثْنـٓايَـا !!!

لٓوْ ڨُلتْ اُمِّي واشْ نڨُول
واش يكفيني ڨُولي فيها
أمي تحميني مِ الْـغُــولْ
وأنٓـا صْغَـيّٓـرْ بِـينْ يْـدِيـهـٓا
كْبِرْتْ وْوِينْ نِمْشِي ونْجُولْ
تْشٓيّٓعْ خٓطْـوٓاتِي بْعِـينِيهٓـا
أمّـي عٓـامْ بسٓبْعٓه فْصُولْ
يْبٓارِكْ فِي عْمُرْهٓا يْخٓلِّيهٓـا !!!

لوْ ڨُلت أمي نڨُول الْوِدّ
تشڨٓى وتتعبْ في مٓرْضٓايٓا
أمّي ما يظاهيها حَــــدْ
هــي فرحي وســـــرّ هنايا
أمّي وردة فُــــوڨْ الــخدْ
شٓمْـعٓه في الْمِحْفِلْ ضَوّايَه !!!

لوْ ڨُلتْ أمي واش نڨُولْ
أمِّـي تُصْـعُـبْ عٓ الْـكٓـتّٓـابٓه
ورد مشعشع وسط حْقُولْ
أمّـي وسط العيلٓه غـــابـَه
لْطيفَه حْنينَه سمح الزّولْ
كريمـٓه ما تْـرُدّ الْحٓــطّابَــه
أمّــي كَـــرّمْــها الرّسُــولْ
وٓصّٓـى عْلِيهٓا كُلّ آصْـحٓابَه !!!

أمّـي الفرحٓه والتبسيمٓه
أمِّــي نٓـبْـعْ الْحُبّ الصّٓافِي
حنينٓه مضيافٓه وكـريمٓه
أمِّـي لا تغضبْ لا تْجٓـافِي
حُـرة بنـت عْـرٓبْ فْهِيمٓه
تُـــوزِنْ كِلْمِـتْـهٓا بِالْـــوٓافِي
أمّــي فِــي عينٓــيّ ديما
ومن خير اُمّـي لٓحْم كتافي !!!

________#بقلم : فاروق الجعيدي #