القاهرية
العالم بين يديك
Index Banner – 300×600

جَايْ نْهارِكْ

93

شعرشعبي/فوزيّةابراهم من مساكن سوسة
متابعة عبدالله القطاري من تونس

جَايْ نْهارِكْ يا صَهيُونْ
وْغَزَّة حَيَّه مَهْمَا يْكُونْ
أَسْوَد ذِكْرِكْ كِي شَارُونْ
نَاتِنْ يَاهُو يا مَلْعُونْ

غَزَّة وَعدُونَا مَا حَنْ
يَقصَفْ حَتَّى صْغَارِ السِّنْ
لْحَمْهُمْ بِالتّّربَة تِعجَنْ
فْحَيِّ السَّلَامْ وِالزَّيْتُونْ
وْجَايْ نْهَارِكْ يَاصَهيُونْ

مَهْما حرَقتُو وْدَكِّيتُوها
وِقهَرتُوها وِمْحِيتُوها
وْزِدتُو عَالعَالَم عزَلْتُوها
تْفَكْرُو دَامِتْشْ لْفِرعُونْ
وْجَايْ نْهَارِكْ ياصَهيُونْ

هُبّو ياشُعُوبِ المَلايِينْ
تّنادِي علِينَا فِلِسْطينْ
نْحَرَّرهَا يَافَا وْجِنِينْ
أَرضِ التِّينِ وِالزَّيْتُونْ
وْغَزَّة عَالعَالَمْ مَا تهُونْ

مْنَ اجْلِ اللَّهْ وْبِيتِ اللَّهْ
نْجَاهِد فِي سَبِيلِ اللَّهْ
وِالنَّصر جَايْ مْنَ اللَّهْ
تْرَابِكْ يا غزّة ما يْهُونْ
وْجَايْ نْهارِكْ يَا صَهيُونْ

جَاهِد ياشَعبٌ الأَقصَى
تَارِيخِكْ ما يِتِّنْسَى
كُلْ صبَاح وْكُلْ مْسَا
لَا تَعرَفْ خُوفْ وْلَا تخُونْ
وْجَايْ نْهَارِكْ يا صَهيُونْ

حَالِ الدُّنْيا يُومْ بْيُومْ
وِالغَالِبْ يَرجَع مَهْزُومْ
تِتحَرَّر وْلَا حَالْ يْدُومْ
وْيَرحَلْ علِيكِ المَلْعُونْ
وْجَايْ نْهارِكْ يا صَهيُونْ

إِنْشَااللَّه هَذَا الْحُلْمْ يْتِمْ
وِنْقُولْ علِينَا رَبِّي نْعِمْ
وْ اُمِّةْ مُحَمَّد تِتلَمْ
بِينِ الْقُدسْ وْمَرجْ عيُونْ
كِيمَا وْعِدنَا رَبِّ الْكُونْ
نَفرَح وْنَنْسَى لِهْمُومْ
وجَايْ نْهارِكْ يا صَهيُونْ

قد يعجبك ايضا
تعليقات