أصابع البوريك باللحم المفروم
رانيا فتحي عواد
المقادير :
حشوة لحم مفروم عبارة عن :
( لحم مفروم حمرته لحاله وفي قدر جانبي حمصت بصل مفروم وجزر مبشور وكوسة مقطعة صغار ولما ذبلت الخضار اضفتها على اللحم المفروم وحطيت ملح وفلفل اسود وبابريكا وكركم وكزبرة ناشفة وشوي قرفة مطحونة .. وممكن حطوا شوي دبس رمان )
عجينة جلاش
مقادير متساوية من ( حليب سايل + زيت + ماء)
مقادير الصوص : ( ٣ ملاعق زبادي + ملعقة عصير ليمون + نص ملعقة طحينة سايلة + نص ملعقة دبس رمان + ملعقة صغيرة مايونيز + ملعقة صغيرة سماق )
الطريقة :
نقصص العجينة لمثلثات كبيرة ، وناخذ شريحتين نحطها فوق بعض وندهنها من الجهتين بخليط الحليب والزيت والماء
نحشيها ونلفها وندهن الوجه بشوي بيض ونرش سمسم او حبة سوداء ..
نصفها في صينية الفرن ( ونكون مشغلينه من قبل من فوق وتحت ) وندخلها للفرن دقايق وتستوي ماتاخذ وقت طويل .. نقدمها مع الصوص
تقدرون تحشونها بدجاج مفروم بدل اللحم .. او حشوة الجبنة مع النعناع .. او جبنة بالسبانخ ، او حشوة بطاطس ، او اي شي تفضلونه