سمك قاروس بالخضروات

راندا عبد الحميد
الطريقه٠٠٠
السمك حسب الكميه بس لازم يكون كبير علشان يدخل الفرن
يغسل السمك كويس ويترك يتصفي
في طبق غويط نبشر ٢جزره ٠٠بصله كبيره٠٠٠فلفل رومي او الوان ٠٠نص خزمه كزبره خضره فلفل حامي٠٠ نبشر ٥ فصوص توم او نطحنهم في الهون٠٠نبشر قطعه جنزبيل بحجم الليمون
نضع ملح وكمون وكزبره ناشفه وببريكا وفلفل اسود كله نص معلقه ونعصر ٢ليمونه ونضع حوالي ربع كوب زيت ونقلب
نقطع في الصنيه ٢ او ٣ بطاطس زي الشبسي رفيعه يعني وبصله شرايح ونضع جزء من الخلطه السابقه ونضعها بشكل منتظم ثم نضع السمك فوقها ونحشي قلب السمك بكتير من الخلطه وماتبقي نوزعه في الصنيه كما هو في الشكل
وندخلها الفرن وبدون مانغطي الصنيه
عمل الرز بالشبت٠٠٠رووووعه٠٠وتحفه
علي النار معلقتين زيت ذره ونضع بصله متوسطة
نقلب شويه ثم نضع الرز ونقلب ثم نضع نص كوب شبت وملح وفلفل ومكعب مرقه للي يحب
ونقلب ثم نضع ماء مغلي ومتركه يتشىرب ثم نهدي النار
وبعدها نقدم الرز والسمك بالخضراوات
وبالف عافيه ومزاج.