إحساس شاعر
بقلم حاتم بن حورية
يا عالم و يا كاتب
عد في النجوم قداش من كواكب
و في البحر قداش من مراكب
و عد البحور و أمواجها
و عد السماوات و معراجها
و عد الأرض و إنتاجها
و عد البرور و المسارب
تلقاها معكرة ميزاجها
من كثر الفساد و المحارب
الطير من وكرو هج
من كثرة اللعب و الهرج
في سماء حالل فج
و هجر من الضوارب
و يا دنيا آش فيك عوج
خوذ شمسك و هات المغارب
الحوت زم و دخل الأعماق
خايف مذعور مشتاق
حاير في برو مضياق
محصور بين الملاعب
يا دنيا آش فيك سراق
ثابتين راسمين الكواعب
و السماء بخلت بماها
و الأرض شاح كساها
و الرعود دخلت جواها
و كثرت في الدنيا المصاعب
قولولي يا ناس آش باها
و شكون بقانونها يتلاعب
شمسنا في شتانا لهابة
و صيفنا وديانو شقلابة
و في ربيعنا الطير هجر أسرابه
و خريفنا ما فيه أرياح تتقالب
و السبب كثرة النهابة
و شرع الله فينا غايب
يا ربي إنت الوهاب
و انت العالم بالأسباب
و انت العالي الموهاب
و انت الأدرى بالمصايب
بيدك يخدم الدولاب
و تدرزجميع الدوالب
