القاهرية
العالم بين يديك
Index Banner – 300×600

غدر الأصحاب

84

بقلم_ حاتم بن حورية

عند الزهو و الطرب يا مكثر الأصحاب
و عند الشدايد تلقى القليل

وقت حزنك يبانو ضباب
و وقت المصلحة طابورهم طويل

مثيل السماء و غطاها سحاب
يغطي نورها و يبان الليل

أكحل أدهم بسوادو رهاب
و نجمة الصبح تضوي فيه قنديل

مثيل صحابك عند سؤالك ما تلقى جواب
و الصاحب المتأصل يجاوبك بالتعليل

فمة ياسر صحاب مثيل ذياب
ينهشو لحمك و يرموك فتيل

و فمة صحاب ديما أحباب
وقت الغصرة ذرعانهم تشيل

قررت نصفي و نسرح الميزاب
و نكسكسهم و نغربلهم تغربيل

يبقى الصحيح و يطيحو العقاب
و نتركهم يسرحو مهاميل

نضحك عليهم و الدنيا أسباب
و نحلف لا عاد قلبي ليهم يميل

نفعل كما المتنبي في قصيدو جاب
خلاه في عصرنا حكمة و مثيل

إذا ريت الصيد مكشر الأنياب
و الوجه عابس و لعابو يسيل

لا تضنها تبسيمة راهو رعاب
وقت يهجم عليك يخليك قتيل

قد يعجبك ايضا
تعليقات