القاهرية
العالم بين يديك
Index Banner – 300×600

الوطن الغالي

993

بقلم حاتم بن حورية

 

بربي كيف بعتو الوطن دلوني على شاريه
نهد على الشاري نتجن و بروح الوطن نفديه

نمشيلو ثاير هامتي بسياسة
و بطينو نصنع حرفتي بملاسه
نقطع أنفاسي و نردله أنفاسه
نرفع هامتو و الحاني نسويه
نطلق صراحو من كبير أحباسه
يطير عالي سابل مادد جنحيه

نلقى فيه الناس معوقة
و الصاحي عيونو محوقة
و الخاين أفعالو باينة مشلقة
و القواد رافع رايتو تعليه
و حق النبي و إلي خلق السماء معلقة
لا نركع للذل راسي لا نوطيه
لا نركع للذل راسي لا نوطيه
لا نركع للذل راسي لا نوطيه

نلقى فيه الشبعان متشبع
و الجيعان في الخابية يسبع
و الخاين في طبايعو يتصنع
و عالي المنصب بالقلم حاميه
يشرب من واد رشاح ينكع
و ماه دايم راكد لا من يصفيه

نلقى فيه الهارب الجالي
و أحوالو تشكي للأحوالي
عيونو مشتاقة للوطن الغالي
لكن معذور و الطمع عاميه
طامع في أم الشعر خجالي
بيها يرسم و يرجع لماليه

نلقى فيه من كل سبب و سبة
يبوح للغير الوطن بحبه
و نادب خدود الحظ من كل كبة
قلت خليني نجالسه و نحاذيه
قتلو أحنا من زرع الطب و الطبة
و طبهم من عند وطنك قاريه

نلقى فيه الولهان الزاهي
وعلى حب الوطن ماهو ساهي
متوحش تراب الوطن شاهي
فيه يعيش و يربي ذراريه
صعب الأيام خلاه ديما لاهي
على وكرو قلبو يعفس عليه

نا بحب الوطن مغروم
رغم باقي من خيراتو محروم
فيه نعثر و نعاود نقوم
جرحي نغرزه و نداويه
و يبقى وطني غالي السوم
و إلي عندو ريح يذريه

و حق النبي و كاشف السر مخبيه
لا نركع للذل راسي لا نوطيه

 

قد يعجبك ايضا
تعليقات