ميكروب المعدة الحلزونى ما بين الوهم والحقيقة
بقلم_ابراهيم ناجي
هو بكتريا وليست ديدان
تعرف إن ممكن يكون سبب آلام و التهابات المعدة اللي عندك من سنين وبتاخدله علاجات معدة كتير جرثومة المعدة
تعرف إن ممكن يكون سبب آلام طفلك المستمرة ف منطقة المعدة وترجعيه الدايم .. جرثومة المعدة
طيب تعرف إن المياه اللي بنشربها حتى لو مفلترة و اكل الشارع حتي لو نظيف مليان جرثومة معدة
تعرف إن من أشهر اسباب ريحة الفم الوحشة .. جرثومة المعدة طيب إحصائية سريعة اكتر من ٩٠% من مرضى التهابات وقرحة المعدة عندهم جرثومة معدة! اكتر من 90% من المصريين عندهم جرثومة معدة طيب نتكلم على هيئة سؤال وجواب عشان ارد على كل الناس اللي متعرفش معلومات عنها:::
*يعني ايه جرثومة المعدة؟
بكتريا عاشقة الهواء القليل، لها القدرة على إنتاج الأوكسجين وقت الحاجة وده بيخليها تعيش فترات طويلة في وسط المعدة الحامضي.
* بتنتقل ازاي ؟ عن طريق تلوث اليدين عن طريق تسلم علي مريض مصاب بيها وغالبا هو ميعرفش أو لمس أوكر حمامات المطاعم، وعن طريق اللعاب يعني ممكن تنتقل بين الازواج, ومشاركة الحمامات العامة، تلوث الخضار خاصة الخس والجرجير ، ممكن تعيش داخل فلتر المياه .
* أنا لازم أكون أكلت من الشارع عشان ابقى مصاب ؟ طبعا لا, الشخص المصاب ممكن يكون انتقلتله العدوى من اى ماكولات او مشروبات بيتيه مش نضيفه .
* هل هي بتموت ولا لا بالعلاج ؟ طبعا بالعلاج السليم وإحتياطات عدم التعرض للعدوى وعلاج الشخص الناقل ان وجد. لكن للآسف فيه حاجة اسمها مقاومة البكتريا للعلاج ودي ليها بوست لوحده عشان شرحه مهم للناس كلها.
* أزاي اشخصها ؟ في 4 طرق، ادق واحد هو تحليل البراز للجرثومة نفسها اسمه H. Pylori Ag in stool with titer. ويا ريت يكون بالنسبة لأننا هنحتاجه عند متابعة العلاج عشان نعرف قلت ولا لا ؟ وقلت قد ايه ؟.
* ايه اللي لازم أعمله قبل التحليل ؟ إيقاف مضادات الحموضة قبل التحليل باسبوعين. وإيقاف المضادات الحيوية لمدة شهر كامل قبل إجراء التحليل
وهذه الشروط صعب إنها تحصل في مصر نظرا لسوء استخدام الادوية في مجتمعنا
طيب إيه العمل يادكتووووور
المريض اللي عنده أعراض الجرثومة سواء الاعراض المباشرة او الغير مباشرة يحاول يعمل التحليل بالشروط دي حتي قبل مايجي العيادة
اما المريض اللي بياخذ الادوية اللي قولنا عليها هيعمل التحليل برضه بس لو طلع إيجابي ناخذ بيه اما لو سلبي لا وساعتها بقي القرار للطبيب حسب أعراض الحالة وإستجابتها للعلاج ،فيه بعض الحالات تحتاج لمنظار معدة بسيط للتشخيص.
* العلاج مدته قد ايه ونوعه ايه ؟ لابد من زيارة طبيب متخصص لو سمحتوا احذروا الأدوية المتداولة عن بعض الصيادلة خوفا من حدوث مقاومة البكتريا””موضوع مهم يحتاج لفهم وتفصيل اكثر””
* تحليل المتابعة امتى ؟ بعد شهر من اخر جرعة علاج وميكونش في استعمال لمضادات الحموضة لمدة اسبوعين والمضادات الحيوية لمدة شهر قبل التحليل.
* هل ممكن اخذ العلاج ومتعالجش؟ ممكن لو حضرتك لخبطت في الجرعات أو تقطع في المدة , أو البكتريا عندها مقاومة للأدوية “”مناعة”” وده أصعب جزء في علاجها نتيجة استخدامات ادوية البكتريا بدون طبيب.
* علاج مناعة البكتريا إيه ؟ دي حالة للآسف بتزداد في الفترة الأخيرة ولعلاجها لازم عمل براز مرزعة للبكتريا الحلزونية لتحديد الأنواع المناسبة .
اعمل ايه فالحموضة عموما المصاحبة مع الإلتزام بالعلاج ينصح بعدم تناول التوابل خاصة الفلفل الاسمر والشطة , الثوم والبصل والمخللات , المنبهات , الشاي والقهوة , التدخين , المسكنات من فئة البروفين والكتافلام والفولتارين الا للضرورة وبمشورة الطبيب مين المفروض يحلل بكتريا المعدة دي ستة حالات يجب عمل تحليل بكتيريا المعدة لهم بناء على توصيات الجمعية الامريكية للجهاز الهضمي لسنة 2017 وهم :
أ- من يعانون من قرحة نشطة في المعدة والإثني عشر أو كانت لديهم قرحة سابقة أو التهابات معدة مستمرة.
ب- من يعانون من عسر الهضم او ارتجاع في المرئ ولديهم تاريخ مرضي سابق بقرحة المعدة ” .
ت- من سيتناولون علاج مستمر بالاسبرين او مسكنات العظم لسبب مزمن يجب عمل التحليل لتقليل مخاطر تقرحات المعدة لديهم.
ث- من لديهم انيميا نقص حديد لا تستجيب للعلاج .
ج- من لديهم نقص الصفائح مناعي غير معلوم السبب ITP.
ح- من لديهم أورام معينة خاصة بالجهاز الهضمي ” وده متروكة للحالات الخاصة مع الطبيب المعالج “.
*ما هي الاعراض ؟ الحموضة، ارتجاع، شعور بالقئ، وجع في أعلى البطن، احيانا وجع في الصدر يشابه اعراض الذبحة بسبب التهاب المرئ، وأحيانا زيادة حساسية الصدر بسبب الشرقة والارتجاع وقد تكون هناك اعراض غير تقليدية أخري مثل ألم في الظهر ،تنميل بالقدمين،كحة مستمرة ،صداع ،دوخة ،همدان والإحساس بالتعب.
* هل الحمل او الرضاعة مانع للعلاج ؟ الحمل والرضاعة حالات خاصة تقدر كل حالة على حدة و طبيبك المعالج هو اللي يقولك موانع من العلاج اذا لزم الامر.
* ازاي اتجنبها وقائيا ؟ قص اظافر الأطفال والكبار بإستمرار، وغسيل الأيدي المستمر، عدم تقبيل الأطفال من الفم، نظافة الحمام الشخصية، غلي مياه الشرب، تغيير شمع فلتر المياه كل شهر او حسب ما تنصح به شركة الفلتر، نقع الخضار والفاكهة ف مياه دافئه وخل.