الكون قدامك
بقلم _ محمد فوزى القماش
لما يكون الحلم مساعدك
وواخدك لبكره،ليوم سعدك
والريح شايلاك والحظ مواعدك
افرد قلوعكم جدف
مد ساعدك
الموج يهواك
كل الدنيا معاك
اجنى شقاك
ف سنين كانت نسياك
بكفوفك علم ف زمنك
اوعاك تنسى حبايبك
اخلص ف دعاك
اوعى ينسيك غناك
او شهرتك وكرسيك هناك
تثبت اقدامك
بالحب يغلى يعلى مقامك
ويزيد قدرك ومقامك
باحسانك
يبان الطريق بفضل المولى
تضحك اكثر واكتر ايامك
بفكرك الواضح تملك زمانك
يقل ملامك
مش دايما اللى بينقدك هدامك
اسمع للحق،والباطل هتعرفه
صفى قلبك تحقق احلامك
شرعك هو اسلامك
هواك يبقى قرآنك
مستقبلك جنه سلامك
لجيلك واجيال بعدك
بسط علامك
ترخص اوعاك
اوتبيع احلامك
نيلك فراتك قدامك
اجرح عدوك بنجاحك
بوئامك
وتصالح ايامك
أصلح دائما تلقى الكون قدامك
فاردلك شط امانك
عدى وحقق احلامك