بيكاتا الفراخ بصوص الليمون
رانيا فتحي عواد
المقادير
١/٢ ك فراخ فليه شرائح رفيعه
حبه بصل حلقات
معلقة صغيرة توم مفروم
ملح حسب الذوق
نص معلقه صغيره فلفل اسود
نص معلقه صغيره زعتر
معلقة صغيرة بابريكا
معلقة صغيرة بهارات فراخ
معلقة صغيرة سكر
معلقة كبيرة عصير ليمون اصفر
ليمون شرائح
معلقة كبيرة خل عنب ابيض او خل تفاح او خل عادى
كوب شوربه
دقيق
زيت زيتون او زيت نباتي
مكعبات من الزبده
بقدونس
وممكن اضافه مشروم حسب الرغبه
الطريقة
– نتبل الفراخ بالملح والفلفل والبهارات والببريكا والزعتر ثم توضع فى الدقيق ونفضها كويس جدا الدقيق يكون يدوب طبقه خفيفه جدا وتشوح فى زيت الزيتون حتى تاخد لون من الجهتين ونتاكد انها استوت سوا كامل لو مش متاكدين بنغطيها بفويل وندخلها الفرن من ٥ ل ١٠ دقائق
-مكانها بنشوح البصل ثم نضع المشروم لو وجد ونضع عليه الخل ثم الشوربه ونضع التوم ونتركها تغلى حتى يبدا الصوص يقل
-ونبدا نضع مكعبات الزبده وحده وحده مع التقليب حتى يبدا يتقل الصوص معانا
-نضع شرائح الفراخ والبقدونس وعصير الليمون وشرائح الليمون والسكر ونتركها تاخد غلوه وتقدم مع مكرونه او رز ابيض وبالف هنا