حلمي لن يتوقف. السلطانة اية صلاح تروي قصة نجاحها في صناعة شنط الشبك
كتبت _ وفاء خروبة
أظهرت المشروعات الخاصة التي تعتمد على المهارة والحرف اليدوية في الآونة الأخيرة الكثير من النماذج التي تستحق التقدير.
واستطاعت الكثير من الفتيات إثبات ذاتهن وإنجاح مشروعاتهن، ومنهن شابة اسمها اية صلاح ، التي بدأت حلمها بصنع هدايا من شنط شبك او شنط كا نافا لأصدقائها، وتطمح الآن لأن تكون صاحة “ماركة عالمية بكل سهولة. و كنا لجريدة القاهرية لقاء مع سلطانة صناعة الشنط اية صلاح
عرفينا اكتر عن نفسك
انا آية صلاح حاصلة ع ليسانس اداب قسم اعلام متزوجة وام لتلات اطفال هما كل حياتى
ما الخامات المستخدمة فى عملك؟
فى البداية كنت بشتغل تطريز وبعد كدا لقيت شغفى وعشقى للشنط الكانافا والخيوط والشنط اللولى والخرز
من اكثر شخص دعمك فى مشوارك؟
الحقيقة اكتر حد دعمنى هما اهلى واخواتى وجوزى طبعا ربنا يخليهم ليا
ماهى الصعوبات التى واجهتك فى طريقك للنجاح؟
التسويق كان اكبر مشكلة بالنسبالى والحمد لله واحدة واحدة بقيت معروفه نوعا ما فى مجالى يعنى
اكتر تصميم الى قلبك بالصور؟
هو اول تصميم اشتغلته وكان الوانه كلها بتنسيقى انا الحمد لله كررته اكتر من ٣٥ مرة لنفس الشنطة بنفس الالوان
نصيحة لمن يريد العمل فى المجال؟
اهم نصيحة احب اقولها اشتغلى ع نفسك واغلطى وجربى كتير لحد ماتوصلى للفينش ال يرضيكى ومش شرط ابدا تكون بروفيشنال من اول ولا حتى تانى مرة مفيش حد بيبدأ كبير ابدا
نفسك توصلى لفين فى المستقبل؟
نفسى اسمى يتعرف اكتر واكتر وشنطى تكون براند
أخيرة
حابة اشكر جريدة القاهرية علي اهتمامها بالمشروعات الصغيرة ودعمهم
