كشري مفلفل مع الدقة والشطة من الااااخر

رانيا فتحي عواد
ارز- شعرية – لسان عصفور – عدس اصفر – عدس بجبة -مكرونة مشكلة – ملح – كمون – زيت
التحضير
حمري بصل الكشري وخدي من الزيت من بتاعه وحمري بيه الشعريه ولسان العصفور
انزلي بعد كده بالعدس بجبة المنقوع لمده ساعة و العدس الاصفر المغسول كويس و الارز وقلبيهم سوا كويس اوي مع بعض
حطي من كبشة الصلصة علي الكشري وقلبي كله مع الملح والكمون وانزلي يعد كده بالمكرونة القلم وحطي مقدار المايه يغطي جزء العدس والارز ميوصلش للمكرونة وسيبي الكشري ياخد سواه
صلصة_الكشرى
صلصة- ثوم مفروم – ملح – فلفل – كمون – كزبرة – م ص سكر – خل – زيت – ماء ساخن
حطي من زيت البصل يسخن وانزلي بالصلصه تتحمص وبعدين حطي مايه سخنه تغلي مع رشه سكر
هاتي بولة اعملي عجينة توم من التوم المفروم وملح وكمون وكزبرة وشوية خل
اول مالصلصة تغلي حطي معلقة من عجينه التوم بالخل دي وشمي احلي ريحة صلصة للكشري
دقة_الكشرى
ثوم مفروم – ملح – كمون – كزبرة – عصير ليمون -خل – زيت
حطي علي التوم بالملح والكمون والخل عصير الليمون والزيت مع كبشة من الصلصة وخففيها بشوية مايه
الشطة
صلصة الكشرى – شطة – زيت
انزلي بالزيت والشطة علي النار تتحمص وبعدين حطي كبشة من صلصة الكشري