لما يجي الدور عليا
بقلمي _.نيفين فوزي
لما يجي الدور عليا
وابقا مش موجود مابينكم
ابقوا يعني افتكروا اني
كنت عايش جمب منكم
ادعوا ليا كتير تمالي
واوعوا تنسوني ف مماتي
مش هيبقا باقي مني
غير حبة سيره ف سكاتي
كنت صاحب قلب طيب
حد غُلب الدنيا فيه
كنت لقلب غيري أطيب
خاطره لو يوم جيت عليه
سامحوني لو يوم اذيت
حد منكوا بصفو نيه
لو ف سيره يومها جيت
قولوا كان صاحب ب ١٠٠
احلامي ماتت معايا
مهما كنت وصلت ليها
الموت كان برا النوايا
جاله لحظه خطفني فيها