مكرونة بشاميل بكبد الفراخ طعمها مختلف هتاكلي صوابعك ورا
رانيا فتحي عواد
المقادير
مكرونة قلم مسلوقة
– كبد فراخ
فلفل رومي احمر واخضر
قرن فلفل حامي
ثوم فصوص – بصل مفروم
ملح -فلفل -حبهان
جنزبيل – قرفة -كمون
كزبرة – زيت -زبدة
الطريقة
افرمي في الكبة الفلفل الرومي مع الحامي وفصوص التوم والتوابل
في طاسه علي النار انزلي بالكبدة تاخد صدمه وانزلي بعد كده بالبصل المفروم و بمعلقة كبيرة من الخلطة اللي عاملناها الجبارة دي واديهم تقليبة وسبيها تاخد سواها
بشاميل الخلاط
لتر لبن
كوب دقيق الا م كبيرة ملح
فلفل -كبابة صيني
اخلطي اللبن والدقيق والتوابل في الخلاط وفي معلقة زبدة علي النار انزلي باللبن وافضلي قلبي لحد ماتوصلي للقوام المطلوب
للوجه
فلفل الوان
-بيضة
ملح -فلفل -ميكس جبن
حطي بقى علي المكرونة بشاميل و اقسميها نصين و بين الطبقتين حطي الكبدة ومن فوق الوش البشاميل ومعلقة من الخلطة
مع الفلفل الاوان المفروم اخلطي بيضه مع ملح وفلفل وحطي فوق الوش مع ميكس الجبن