عنترية

من خربشات/ ناجح أحمد – صعيد مصر
تشوف الحلو تستعجب
على خطوته و متحجب
يا دوب تقوله يا ملعب
تلاقي وشوش عليك تقلب
و ما تحس إلا و الكلمة
تقول طالعة من المقلب
يا ريتني ما كنت بني آدم
و لا شفت وشها السحلب
عرفت حلاوتها كدابة
يا قلبها الطاهر و بيكدب
اوعاك تتغش في المنظر
لا ينفعك مال و لا المنصب
الحلو من جوه راح يظهر
الوش مراية و قفاه ينصب
العنترية تبهرنا وياها بنكبر
والعنجهية أخدتنا و بترعب
من بره هللا هلله و أكتر
و جوه يعلم الله راح تخرب
و عجبي ..
ناجح أحمد – مصر