القاهرية
العالم بين يديك
Index Banner – 300×600

حليم: عمرو دياب بالنسبة لي حالة وواجهة مصر المشرفة للفن

98

كتب احمد طارق
الفنان الجميل محمد حليم النهاردة سعدنا بيه في حفلة الرحاب في رابع يوم العيد وكل سنة وانتم طيبين وكل المصريين بخير وهنتكلم عن اليوم الجميل اللي قضيناه مع حليم النهاردة ونخبة جميلة كبيرة من جماهير من انحاء الوطن العربي لبنان وسوريا والعراق والجزائر ومصر

استمتاعك بحضور الجمهور الجميل اللي كان موجود معانا النهاردة
حليم: والله الحمد لله رب العالمين أنا من عشاق الجمهور الراقي محبين الفن وبتقدره وطبعا من أوائل الأماكن اللى عملت فيها حفلات كتير ويسعدني أني أكون موجود فيها النهاردة الرحاب اللي عملت فيها حفلات كتير من قبل الحمد لله
أحمد طارق: النهاردة غنيت مجموعة متنوعة من الأغاني لأكبر مطربين الوطن العربي : عبد الحليم حافظ وعمرو دياب ومحمد منير وهاني شاكر وحماقي وكاظم الساهر وراغب علامة ومحمد رشدي ومحمد فؤاد وبهاء سلطان وفضل شاكر…………. وغيرهم
حليم: الحمد لله الناس هي اللي بتختار وأنا بغنيلهم اللي بيحبوه عايزين نسعد الناس فبغنيلهم اللى هم عايزينه
أحمد طارق: كلمنا عن أعمالك الجديدة ياحليم؟
حليم: ان شاء الله رب العالمين مجهز فكرة جديدة إشتغلت عليها كتيييير حلوة أوى ان شاء الله أنزلها علي خير وتعجب الناس أنا خلصتها أوديو وفيديو وأنا شاء الله أنزلها قريب علي مستوى الوطن العربي
كلمات مين يامحمد ؟
حليم: كلماتي وألحاني وتوزيع أحمد عبد السلام
أ

حليم: أحمد عبد السلام من الموزعين الشاطرين أوى أوي وفي كيميا بيني وبينه وبرتاح معاه جدا في الشغل واشتغلت معاه كتير وعملت معاه الفكرة دي وان شاء الله تنزل علي خير للجمهور
أحمد طارق: عامل حاجة تاني مع أحمد عبد السلام؟
حليم : أنا عامل حاجة للأطفال وعامل أكتر من 8 تراكات تانية غير الفكرة دي ان شاء الله ينزلوا علي خير
مفكرتش تتعاون مع حماقي أو عمرو أو شيرين أو أي مطرب تاني فى أي عمل جديد
حليم: اتعرض عليا الكلام ده قبل كده بس قولت لما أنزل الشغل بتاعي الأول علشان بركز في شغلي الأول وبعدين أتعاون مع المطربين حبايبي أنا طبعا أتشرف بالتعاون معاهم كنت عامل حاجة لفؤاد قبل كده وحاجة لأليسا وحماقي بس لسا مخلصتش
ان شاء اللله تكمل علي خير ، طبعاا انت من متابعين الفنان الجميل عمرو دياب وعمله الأخير شكراا اللي عملت تريند جامد قولنا ايه أعمال عمرو دياب اللي بتعجبك ؟
حليم: عمرو دياب بالنسبة لى حالة كل شغله بيعجبني وهو يعتبر واجهة مشرفة للفن ولمصر أمام الوطن العربي وبيعرف يخلي مصر في مكانة كبيرة بالنسبة للفن والغناء باختياراته وتجديده وكل شغله وأنا بحبه جداااا جدااا وهو بالنسببة لي حالة وأنا بجد بشكره جداا جداا من هنا لبكرة
تحب تقول ايه النهاردة لينا؟
حليم: أنا عايز أشكركم جداا نورتوني وبشكركم جداا من كل قلبي على تعبكم معايا ميرسي جدااا ليكم يا أحمد
نتمني نكون معاك ان شاء الله في كل حفلاتك وعايزين ناخد صورة كلنا مع بعض
حليم: يالا بينا

قد يعجبك ايضا
تعليقات