رانيا فتحي عواد
علشان البيض دلوقتي بقى غالي
مش عايزين فيه أي هدر فلما تيجي تقشر البيضة و تلاقي معظم البياض لازق في القشرة
لازم تكون عارف السبب؟؟؟
هقولك
البيض لما بيكون طازه عمر يوم أو يومين بتبقى القشرة لازق فيها الزلال بقوة وده بسبب الوسط الحمضي جوه البيضة
ولكن بعد ما تحطها في التلاجة كام يوم بيقل الوسط الحمضي جوه البيضة والقشرة تنفصل عن الزلال ويبقى تقشيرها اسهل بكتير
ولان كمان كل ما البيضة بتقدم كل ما حجمها الداخلي بيتقلص والغرفة الهوائية تزيد بين القشرة والبياض
وعلشان كده متضايقش لما التقشير يكون صعب لان ده معناه إن البيض طازه
لكن الأفضل للسلق هو البيض اللي ليه كام يوم في التلاجة
أو إنك تخلي الوسط بتاع مياه السلق قلوي بإنك تحط فيها معلقة ملح
تعليقات