القاهرية
العالم بين يديك
Index Banner – 300×600

فطارك عندنا مع القاهرية عيون السلطانه أو حلوى السميد التركيه

88

رانيا فتحي عواد
المقادير
200جم زبده بدرجه حراره الغرفه
نصف كوب زيت نباتى
بيضه بدرجه حراره الغرفه
فانيليا
نصف كوب زبادى
الطريقة
هنخلط المكونات دى كلها بمضرب البيض الكهربائى او اليدوى وممكن الكيتشن
هيتكون خليط كريمى بعد كده نضيف عليه نصف كوب سميد وثلاثة اكواب ونصف دقيق وملعقتين كبار نشا وملعقه كبيره بيكنج باودر
هنخلط كل المكونات باليد بس مش هنعجن مجرد خلط للمكونات وهتتكون معانا عجينه لينه متماسكه مش بتلزق فى اليد
هنغطيها ونسيبها ترتاح عشر دقائق
بعد كده هنجيب مبشره او اى معلقه فيها ثقوب وهنستخدم الجهه اللى فيها ثقوب صغيره من المبشره
نأخذ قطعه من العجين ونفردها على شكل بيضاوى على سطح المبشره مع الضغط نخلي سمكها متوسط وهنجيب قطع من عين الجمل ونحطها فى منتصف العجينه ونقفلها كويس وبعدين نخرجها من المبشره هتأخد شكل الثقوب
بعد كده ندخلها فرن ساخن حراره 180 لحد ماتحمر ونفتح الشوايه تأخد لون ذهبى
هنكون مجهزين الشربات
2كوب ونصف ماء
2كوب ونصف سكر
نصفو ليمونه
وهنسقى القطع بالشربات ونتركها لمده ساعه تتشرب ونزين بجوز الهند أو الفستق
وبألف هنا

قد يعجبك ايضا
تعليقات