القاهرية
العالم بين يديك
Index Banner – 300×600

تكاية ع الماشى

118

رانيا فتحي عواد
هو أنا قولتلكم على إن البصل البودرة و الثوم البودره بيتغشوا ؟!
معلومة كده ع الماشي بصوا يا حلوووين البصل والثوم بيتعمل منهم مكسبات طعم صناعية بتبقى زى الطعم والريحة الطبيعية بالظبط ودى حاجة زي السمنة الطبيعي والصناعي كده. بس مشكلة الأطعم دي إن اللي بيستخدمها لازم يفهم هيستخدمها إزاي. زي المصانع الكبيرة لإن فيها خطورة على حياة الإنسان لو استخدم منها بكميات كبيرة بشكل مباشر
بس عامة في بعض معدومي الضمير من التجار بيعملوا إيه بيجيبوا الأطعم دي ويحطوا حبة حلوين على شوية نشا ويقوموا يبيعوها على إنها بصل وثوم بودرة طبيعي واللي يفرس إن ريحتهم بتبقى أحلى وأقوى من الطبيعي
طيب و بعدين يا لولو هنعرف منين الطبيعي من الصناعي؟! بسيطة خالص أولًا الثوم والبصل الطبيعي مع مرور الوقت بيحصل فيهم تكتل (بيبقوا زى الحجر) وريحتهم بتروح
ثانيا لازم نشتري من ماركة معروفة والأسهل والأضمن إننا نعملهم في البيت. إحنا هنجيب شوية ثوم فصوص فريش (وبيتباع فصوص مجففة جاهزة) وبصل ونقطعهم دواير ونفردهم في صواني كده والفرن وهو سخن (مش نولع عليهم ) لا ده بعد أي أكل إحنا عاملينه وإحنا طافيين الفرن ونسيبهم لغاية ما ينشفوا ٣ أو ٤ أيام مثلًا وبعد كده هنطحنهم زي النعناع الناشف كده.

قد يعجبك ايضا
تعليقات