القاهرية
العالم بين يديك
Index Banner – 300×600

ايه الفرق بين الدقيق الأبيض والدقيق الأسمر وليه دايماً يُنصح بالدقيق الأسمر ؟؟

101

رانيا فتحي
الفرق ببساطة شديدة هو فى “القشرة” … أيوة قشرة حباية القمح نفسها ..
لوقشرناها وطحنا البذرة بس بقى (دقيق ابيض) ولو طحنا الحبة بقشرها بقى (دقيق أسمر)
طيب إيه الفرق من الناحية الصحية ؟
قشرة حباية القمح بتحتوى على الألياف والحديد والكالسيوم وجنين القمح الذي يحتوي على فيتامين هـ وفيتامين ب.
وطبعا كل ده بيكون قيمة غذائية وصحية مضافة للدقيق
وبتكون المنتجات المصنعة منه مصادر مهمة للطاقة، والفيتامينات والمعادن زى الحديد، الفوسفور والمغنيسيوم عشان مصنوع من حباية القمح الكامله
ومن أهم فوايد الدقيق الأسمر منع امتصاص الكولسترول وده بيقي الجسم من أمراض القلب. كما أنه غني بالألياف اللى بتساعد على الشعور بالشبع. وبيحسن عمل الجهاز الهضمي وبيحسن حركة الأمعاء ويخفف من مشكلات القولون.
على العكس يكون الدقيق الابيض اللى بيتم طحنه بعد إزالة القشرة بكل فوايدها منه ومش بس كده دى كمان بتخضع لعملية تبييض صناعية بتفقدها الكثير من قيمتها الغذائية اللى هى قلت فى الأصل
يحتوي الدقيق الأبيض على كمية من الكربوهيدرات أكثر من الدقيق الأسمر عشان كده لا ينصح بتناول الأكلات الغنية بالدقيق الأبيض لتفادي زيادة الوزن.
كده نكون عرفنا الفرق بين النوعين ولنا مطلق الحرية فى الإختيار

قد يعجبك ايضا
تعليقات