عيون غزلان
ماحلى العيون غزلان باللون البندقي
دُقي لعنيكي الكحل يا زينها بيه دُقي
والبشره لون خمري ومنها تتحني
ليكي السما لو اطول بس انتي تتمني
يا اللي الملس ملفوف زايد جمال خصرك
شعرك سلاسل ليل طاير على ضهرك
لابسة كمان خلخال رني كمان رني
يا اللي شبكتي العين بشبيكة ذاد سحرك
الحب فيكي بحورووصالك المرسي
رايدك يا بنت الحور اديني اذن ارسى
بيشابي قلبي عليكي وانتي القمر عالي
يا ضي م القناديل بيه الدروب بلقى
قربك يا ست الحسن بيه الهموم بنسى
كردان يزين صدرك والزينه بيه تحلى
وانتي سايقه الدلال حقك يا زينة الناس
دا لو القصور مهرك فأضعافه ما تغلى